जिल्हास्तरीय निमंत्रित भजन स्पर्धेत रामकृष्ण हरि सेवा संघ पाट प्रथम
न्हावेली/वार्ताहर
मळगाव आजगावकरवाडी येथील जिल्हास्तरीय निमंत्रित भजन स्पर्धेत पाट येथील रामकृष्ण हरि सेवा संघ भजन मंडळाने प्रथम क्रमांक पटकावला.कणकवली येथील श्री लिंगेश्वर पावणादेवी प्रासादिक भजन मंडळाने द्वितीय तर कणकवली जानवली येथील श्री सिद्धिविनायक प्रासादिक भजन मंडळाने तृतीय क्रमांक मिळवला.मळगाव आजगावकर गोसावीवाडी येथील दत्त मंदिरात दुर्वांकुर कला क्रिडा मंडळाच्यावतीने या स्पर्धेचे आयोजन करण्यात आले होते.यंदा या स्पर्धेचे पाचवे वर्ष असून एकूण नऊ संघानी सहभाग घेतला होता.मान्यवरांच्या हस्ते दीपप्रज्वलन करुन स्पर्धेचे उद्घाटन केले.याप्रसंगी दुर्वांकुर कला क्रिडा मंडळाचे सर्व सदस्य तसेच आजगावकर गोसावीवाडी येथील ग्रामस्थ उपस्थित होते.प्रथम क्रमांकाला ७००१,द्वितीय ५००१ तृतीय ३००१ आणि उत्तेजनार्थ १५०० रुपये तसेच सन्मानचिन्ह देऊन विजेत्यांचा गौरव करण्यात आला.
उर्वरित निकाल पुढीलप्रमाणे ----
उत्कृष्ट पखवाज - प्रणव मेस्री ( मोरेश्वर प्रासादिक भजन मंडळ,नेरुर ) उत्कृष्ट झांजवादक- मंथन कुंभार ( श्री सद्गगुरु संगीत प्रासादिक भजन मंडळ,पिंगुळी उत्कृष्ट गायक - हर्षल मेस्री ( श्री सद्गगुरु प्रासादिक भजन मंडळ,अणसूर ) उत्कृष्ट तबला - साईप्रसाद नाईक ( श्री सद्गगुरु संगीत प्रासादिक भजन मंडळ,,पिंगुळी ) उत्कृष्ट हार्मोनियम- हेमंत तवटे ( ब्राह्मणदेव प्रासादिक भजन मंडळ,) उत्कृष्ट शिस्तबद्ध संघ- (श्री दत्त प्रासादिक भजन मंडळ,वर्दे ) उत्कृष्ट कोरस- श्री रामकृष्ण हरि सेवा संघ पाट या मंडळाला देण्यात आले.स्पर्धेचे परीक्षक संगीत अलंकार अजित गोसावी व विवेक सावंत यांनी केले.कार्यक्रमाच्या यशस्वीतेसाठी दुर्वांकुर कला क्रिडा मंडळाच्या सर्व सदस्यांनी तसेच आजगावकर गोसावीवाडी ग्रामस्थांनी विशेष परिश्रम घेतले.सूत्रसंचालन संदिप दळवी यांनी केले