राजन तेलींनी सादर केला उमेदवारी अर्ज
भाकरी करपली आहे ती बदलायला हवी - राजन तेली
सावंतवाडी प्रतिनिधी
महाविकास आघाडीचे अधिकृत उमेदवार उद्धव बाळासाहेब ठाकरे शिवसेना पक्षाचे माजी आमदार राजन तेली यांनी आज आपला उमेदवारी अर्ज शक्ती प्रदर्शन करत प्रांताधिकारी तथा निवडणूक निर्णय अधिकारी हेमंत निकम यांच्याकडे दाखल केला. यावेळी शरदचंद्रजी पवार राष्ट्रवादी काँग्रेस पक्षाचे नेते माजी राज्यमंत्री प्रवीण भोसले ,जिल्हाप्रमुख बाबुराव धुरी, तालुका विधानसभाप्रमुख रुपेश राऊळ,. दादा परब ,बाळू परब ,आधी उपस्थित होते. यावेळी श्री तेली यांचा सुपुत्र भाजप युवा मोर्चा प्रदेश उपाध्यक्ष प्रथमेश तेली यांनीही यावेळी आपला उमेदवारी अर्ज दाखल केला. श्री तेली यांनी सावंतवाडी शिवा उद्यान ते संपूर्ण बाजारपेठ ते निवडणूक कार्यालय पर्यंत भव्य रॅली काढत शक्ती प्रदर्शन करत आपला उमेदवारी अर्ज दाखल केला. यावेळी महाविकास आघाडीचे काँग्रेस ,राष्ट्रवादी काँग्रेस आरपीआयचे सर्व प्रमुख पदाधिकारी ,कार्यकर्ते मोठ्या संख्येने उपस्थित होते.आता भाकरी करपली आहे ती बदलायलाच हवी. बदल हवा तर नवा आमदार हवा आता परिवर्तन घडवायलाच हवे . एकच वादा एकच निर्धार ... आता पंधरा वर्षे एकही काम न केलेल्या मुंबईकर चाकरमानी आमदार दीपक केसरकरांना जर्मनला पाठवायलाच हवे असे तेली म्हणाले.