राधिकाचे पदक निश्चित

वृत्तसंस्था/ बिशेक (किर्जीस्तान)

येथे सुरू असलेल्या वरिष्ठांच्या आशियाई महिलांच्या कुस्ती चॅम्पियनशिप स्पर्धेत शनिवारी भारताची एकमेव महिला मल्ल राधिकाने 68 किलो वजनगटात अंतिम फेरी गाठत आपले पदक निश्चित केले आहे.

राधिकाने गेल्या वर्षी झालेल्या 23 वर्षाखालील वयोगटाच्या आशियाई चॅम्पियनशिप कुस्ती स्पर्धेत रौप्यपदक मिळवले होते तर 2022 च्या वरिष्ठांच्या आशियाई चॅम्पियनशिप स्पर्धेत तिने दुसरे स्थान पटकावले होते. बिशेकमधील स्पर्धेत राधिकाने पहिल्या फेरीच्या लढतीत कजाकस्तानच्या अल्बिनाचा तांत्रिक गुणावर पराभव केला. त्यानंतर तिने पुढील फेरीतील लढतीत किर्जीस्तानच्या गुलनुराचा पराभव करत अंतिम फेरी गाठली. आता सुवर्णपदकासाठीच्या लढतीत राधिकाची गाठ जपानच्या नोनोका ओझाकीशी होणार आहे. या स्पर्धेमध्ये 50 किलो वजनगटात भारताच्या शिवानी पवारचे आव्हान उपांत्यपूर्व फेरीत समाप्त झाले. चीनच्या फेंगने शिवानीचा पराभव करत पुढील फेरीत स्थान मिळवले. 55 किलो गटात भारताच्या तमन्नाला पात्र फेरीतच हार पत्करावी लागली. जपानच्या कियोकाने तमन्नाचा 9-0 असा एकतर्फी पराभव करत अंतिम फेरी गाठली