राधिका सोनाळकरची बॅडमिंटन स्पर्धेत उल्लेखनीय कामगिरी

सावंतवाडी । प्रतिनिधी

सिंधुदुर्ग जिल्हा शिक्षण प्रसारक मंडळ संचलित मदर क्वीन्स् इंग्लिश स्कूल सावंतवाडी प्रशालेतील इयत्ता नववीत शिकणारी विद्यार्थिनी कु.राधिका विश्वास सोनाळकर हिने सिंधुदुर्ग जिल्हा बॅडमिंटन असोसिएशन तर्फे आयोजित जिल्हा निवड चाचणी 2025 मध्ये आपले क्रीडा कौशल्य दाखवत उपविजेतेपद पटकावले. तिच्या या यशाबद्दल सिंधुदुर्ग जिल्हा शिक्षण प्रसारक मंडळाचे अध्यक्ष श्रीमंत राजे खेमसावंत भोंसले ,चेअरमन श्रीमंत राणीसाहेब शुभदादेवी भोंसले,कार्यकारी विश्वस्त श्रीमंत लखमराजे भोंसले , विश्वस्त युवराज्ञी श्रद्धाराजे भोंसले व मंडळाचे संचालक श्री दिलीप देसाई , मंडळाचे सहाय्यक संचालक श्री अॅड शामराव सावंत, मंडळाचे सदस्य श्री जयप्रकाश सावंत ,डॉक्टर श्री.सतीश सावंत ,मुख्याध्यापिका श्रीमती अनुजा साळगावकर तसेच प्रशालेचे शिक्षक, शिक्षकेतर कर्मचारी ,पालक शिक्षक संघ कार्यकारी समितीचे सदस्य यांनी अभिनंदन केले व पुढील वाटचालीस शुभेच्छा दिल्या.