पीव्हीआर आंतरराज्य जलतरण स्पर्धा आजपासून

बेळगाव : आबा व हिंद क्लबच्या पहिल्या पीव्हीआर आंतरराज्य जलतरण स्पर्धाना शनिवार दि. 3 व रविवार दि. 4 फेब्रुवारी रोजी प्रारंभ होणार आहे. या स्पर्धेची तयारी अंतिम टप्यात असून जलतरण तलाव सज्ज झाला आहे. सुमारे साडेतीनशे जलतरणपटू बेळगावसह, पुणे, मुंबई, कोल्हापूर, सोलापूर, सातारा, सांगली, नाशिक, गोवा-पणजी तसेच बेंगळूर, हुबळी-धारवाड येथून अनेक नामांकित तसेच राष्ट्रीय विजेते जलतरणपटू भाग घेणार आहेत. विविध मान्यवरांच्या हस्ते सकाळी साडेअकरा वाजता उद्घाटन होईल असे स्पर्धा संयोजक एनआयएस जलतरण प्रशिक्षक विश्वास पवार यांनी कळविले आहे. स्विमिंग पूलच्या प्रांगणात फूड स्टॉलची देखील सोय करण्यात आलेली आहे.