उद्धव ठाकरे यांची 13 नोव्हेंबरला मालवणात जाहीर सभा

आ . वैभव नाईकांच्या प्रचारार्थ टोपीवाला हायस्कूलच्या मैदानावर सायंकाळी ४ वाजता सभा

मालवण / प्रतिनिधी
महाविकास आघाडीचे उमेदवार आमदार वैभव नाईक यांच्या प्रचारार्थ उद्धव बाळासाहेब ठाकरे शिवसेनेचे पक्षप्रमुख तथा माजी मुख्यमंत्री उद्धव ठाकरे यांची जाहीर प्रचार सभा 13 नोव्हेंबर रोजी सायंकाळी चार वाजता टोपीवाला हायस्कूलच्या मैदानावर होणार आहे. या सभेचा ट्रेलर जाहीर करण्यात आला आहे. यात महाराष्ट्र स्वाभिमान सभा असे म्हणण्यात आले आहे. तसेच स्वराज्याचा स्वाभिमान जपूया, महाराष्ट्र धर्म वाढवूया असेही म्हटले आहे.आमदार वैभव नाईक सलग तिसऱ्यांदा विधानसभा निवडणुकीत जिंकण्याच्या ताकदीने उतरले असून पक्षप्रमुख उद्धव ठाकरे यांची जाहीर सभा प्रचाराच्या शेवटच्या टप्प्यात टोपीवाला हायस्कूलच्या मैदानावर होणार असल्याने कार्यकर्त्यांमध्ये उत्साह संचारला असल्याचे उबाठा शिवसेना तालुकाप्रमुख हरी खोबरेकर यांनी सांगितले. जाहीर प्रचार सभा पाहून विरोधकांना त्यांची जागा दिसून येणार आहे. ही सभा नसून आमचा विजयोत्सव असणार असल्याचेही खोबरेकर यांनी सांगितले.