प्रियांका अन् निक जोडी मोठ्या पडद्यावर

एकत्र काम करणार असल्याची घोषणा

हॉलिवूडमध्ये स्वत:चे स्थान निर्माण करणारी अभिनेत्री प्रियांका चोप्राची ‘सिटाडेल’ ही वेबसीरिज अलिकडेच प्रदर्शित झाली आहे. या सीरिजनंतर प्रियांकाचा हॉलिवूडपट ‘लव्ह अगेन’ प्रदर्शित झाला आहे. भारतात हा चित्रपट 12 मे रोजी प्रदर्शित झाला आहे. अशा स्थितीत अभिनेत्रीने चाहत्यांना आणखी एक खूशखबर दिली आहे.

लव्ह अगेन या चित्रपटात प्रियांका चोप्रासोबत निक जोनास दिसून आला असला तरीही त्याची भूमिका अत्यंत छोटी आहे.  या पार्श्वभूमीवर निक आणि मी आणखी एका चित्रपटात एकत्र काम करत आहोत असे प्रियांकाने सांगितले आहे. हा चित्रपट रोमँटिक असेल की नाही, यातील आमच्या भूमिका कशाप्रकारच्या असतील हे माहित नाही, परंतु आम्ही एकत्र काम करू हे नक्की असे प्रियांकाने म्हटले आहे.

विवाहानंतर निक आणि प्रियांका एका म्युझिक अल्बममध्ये एकत्र दिसून आले होते. 1980 मधील गाणे ‘व्हॉट अ मॅन गॉट्टा डू’च्या दुसऱ्या व्हर्जनमध्ये हे दांपत्य दिसून आले होते. तर यापूवीं निक आणि प्रियांका जोनास ब्रदर्सच्या ‘सकर’ या गाण्यात एकत्र दिसून आले होते. या गाण्यात निक आणि प्रियांकासोबत निकचे दोन्ही भाऊ स्वत:च्या जोडीदारांसोबत दिसून आले होते.