पंतप्रधान नरेंद्र मोदी 28 रोजी गोव्यात

पणजी : पंतप्रधान नरेंद्र मोदी हे येत्या 28 नोव्हेंबर रोजी गोव्यात येत असून या कार्यक्रमाच्या निमित्ताने सर्व मंत्र्यांना पर्तगाळ मठ येथे हजर राहण्याचे आदेश मुख्यमंत्री डॉ. प्रमोद सावंत यांनी दिले. पंतप्रधान नरेंद्र मोदी हे पर्तगाळ मठाच्या पाचशे पन्नास वर्षांच्या कार्यक्रमास उपस्थित राहणार आहेत. ते दुपारी तीन वाजता गोव्यात पोहोचतील आणि कार्यक्रम झाल्यानंतर लागलीच दिल्लीला रवाना होतील. पंतप्रधान केवळ एक तास त्या कार्यक्रमास उपस्थित राहतील.