प्रनुतन बहल झळकणार हॉलिवूडमध्ये

आंतरराष्ट्रीय कलाकारासोबत काम करण्याची संधी

‘नोटबुक’ या चित्रपटाद्वारे बॉलिवूडमध्ये पाऊल ठेवणारी मोहनीश बहलची मुलगी प्रनुतन आता स्वत:च्या कारकीर्दीला नवी उंची गाठून देणार आहे. दिग्गज अभिनेत्री नूतन यांची नात प्रनुतनने प्रियांका चोप्रा आणि दीपिका पदूकोनचे अनुकरण करत आता हॉलिवूडमध्ये दिसून येणार आहे. प्रनुतन लवकरच स्वत:चे आंतरराष्ट्रीय पदार्पण करणार आहे.

प्रनुतनची ‘कोको अँड नट’ या चित्रपटासाठी निवड करण्यात आली आहे. यात ती अमेरिकन अभिनेता रहसान नूरसोबत दिसून येणार आहे. स्वत:च्या पहिल्या आंतरराष्ट्रीय चित्रपटात ती रहसानसोबत रोमान्स करताना दिसून येईल. हा चित्रपट एक प्रेमकथा दर्शविणारा असणार आहे. या चित्रपटाचे दिग्दर्शन रहसान नूरच करणार आहे.

2018 मध्ये प्रदर्शित ‘बंगाली ब्यूटी’नंतर रहसानचा आंतरराष्ट्रीय प्लॅटफॉर्मवर प्रदर्शित होणारा हा दुसरा चित्रपट असणार आहे. कोको अँड नट चित्रपटात प्रनुतन ही स्वत:च्या विवाहाला वाचविण्यासाठी झगडणाऱ्या युवतीची भूमिका साकारत आहे. प्रनुतनला चाहते तिच्या पहिल्या हॉलिवूड प्रोजेक्टसाठी शुभेच्छा देत आहेत.