प्रज्ञानंदचा कार्लसनला धक्का,दिव्या देशमुख विजयी

वृत्तसंस्था/ओस्लो

आर. प्रज्ञानंदने जागतिक क्रमवारीत अव्वल असलेल्या मॅग्नस कार्लसनवर सनसनाटी विजय मिळवून आपल्या सर्वोत्तम आक्रमक शैलीत परतण्याचे संकेत दिले. त्याने या नॉर्वेजियन महान खेळाडूला हरवून तीन पूर्ण गुण मिळवले, तर दुसरीकडे, विद्यमान विश्वविजेता डी. गुकेशची चिंताजनक घसरण नॉर्वे बुद्धिबळ स्पर्धेतील आणखी एका निराशाजनक निकालामुळे सुरूच राहिली. या वषीच्या स्पर्धेत कार्लसन अजिंक्मय वाटला नसेल, कारण प्रतिस्पर्धी त्याच्या खेळातील दुर्मिळ कमकुवत दुवे अधिकाधिक उघड करत आहेत. परंतु, सात वेळच्या चॅम्पियनला त्याच्याच भूमीवर पराभूत करणे हे जागतिक बुद्धिबळातील सर्वात कठीण कामगिरींपैकी एक आहे. बुखारेस्ट येथे नुकत्याच झालेल्या सुपरबेट चेस क्लासिक, रोमानिया स्पर्धेतील विजयामुळे मिळालेल्या आत्मविश्वासाने, प्रज्ञानंदने बुधवारी रात्री पाच वेळच्या क्लासिकल विश्वविजेत्याविऊद्ध वेळेच्या तणावपूर्ण लढाईत आपला संयम राखत 4.5 गुणांसह दुसरे स्थान पटकावले. एका दुर्मिळ दृश्याप्रमाणे, कार्लसेन केवळ 1.5 गुणांसह सहा खेळाडूंच्या क्रमवारीत तळाशी आहे. महिलांचा गट अत्यंत चुरशीचा राहिला आहे, दिव्या देशमुखने पुन्हा एकदा टायब्र्रेकमध्ये आपला संयम दाखवत, स्पर्धेतील आपला तिसरा आर्मागेडॉन विजय मिळवला. तर हम्पीला पराभव पत्करावा लागला.