कळंबा रस्त्याची दूरवस्था

सागर पाटील / कळंबा :

कोल्हापूर-गारगोटी महामार्गावरील कळंबा साई मंदिर ते संभाजीनगर चौका दरम्यान गॅस पाइपलाइनच्या खोदकामामुळे रस्त्याची अक्षरश चाळण झाली आहे. कोल्हापूर महानगरपालिकेने लाखो रुपये खर्चून हे काम खासगी ठेकेदारांना सोपवले, परंतु काम पूर्ण झाल्यानंतर रस्त्याचे डांबरीकरण किंवा सिमेंट काँक्रिटीकरण अद्याप झालेले नाही. बाजूच्या पट्ट्या उकरल्याने रस्ता अपुरा पडत असून, एकेरी वाहतुकीमुळे वाहनांच्या लांबलांब रांगा लागत आहेत. यामुळे खड्डे, चिखल आणि साचलेल्या पाण्याने वाहनचालक आणि पादच्रायांचे हाल होत आहेत. पावसाळ्यात पाणी साठल्याने वाहतूक कोंडी आणि अपघातांचा धोका वाढला आहे. नागरिकांचा संयम सुटत असून, महापालिकेच्या दुर्लक्षामुळे वाहनचालकांचा रोष वाढत आहे.

• नियोजनातील त्रुटी आणि ठेकेदारांचा बेजबाबदारपणा

कोल्हापूर शहरात पायाभूत सुविधा सुधारण्यासाठी गॅस पाइपलाइनचे काम टप्प्याटप्प्याने सुरू आहे. यासाठी महापालिकेने 12 ठेकेदारांना नियुक्त केले आहे. नियमानुसार, खोदकामानंतर रस्ते पूर्ववत करणे बंधनकारक आहे. मात्र, ठेकेदारांनी फक्त माती टाकून साईट पट्ट्या बुजविले आहेत. कळंबा रस्त्यावर बाजूच्या पट्ट्या उकरल्याने रस्त्याची रुंदी कमी झाली आहे, ज्यामुळे मार्गावरून एकेरी वाहतूक करावी लागते. परिणामी, शाळा, कॉलेज आणि कार्यालयीन वेळेत वाहनांच्या लांब रांगा लागतात, ज्यामुळे प्रवाशांचा वेळ आणि इंधन वाया जाते. पावसाचे पाणी ड्रेनेजमध्ये न जाता रस्त्यावर साठत असल्याने खड्डे, चिखल आणि उघड्या नाल्यांनी रस्ता धोकादायक बनला आहे. आयटीआय परिसरात पावसामुळे साचलेले पाणी आणि चिखलामुळे वाहनचालकांना खड्ड्यांचा अंदाज येत नाही, ज्यामुळे अचानक वाहन खड्ड्यात जाऊन गाडी घेऊन पडण्याचे प्रकार घडत आहेत.

• वाहतूक कोंडी आणि अपघातांचा धोका

रस्त्याच्या अरुंदपणामुळे आणि खड्ड्यांमुळे वाहतूक कोंडीचा प्रश्न गंभीर बनला आहे. खोल खड्डे, चिखल आणि उकरलेल्या बाजूपट्ट्यांमुळे वाहनचालकांना प्रचंड त्रास सहन करावा लागत आहे. एकेरी वाहतुकीमुळे सकाळी आणि सायंकाळी वाहनांच्या लांब रांगा लागतात, ज्यामुळे प्रवासाचा वेळ दुप्पट होतो. दुचाकीस्वारांसाठी हा मार्ग जीवघेणा ठरत आहे, कारण थोडासा तोल गेल्यास चिखलात किंवा खड्ड्यात घसरण्याचा धोका आहे. गेल्या काही महिन्यांत अनेक किरकोळ अपघात घडले असून, काही वाहनांचे मोठे नुकसान झाले आहे. रात्रीच्या वेळी अप्रुया प्रकाशामुळे खड्डे दिसत नाहीत, ज्यामुळे अपघातांचा धोका वाढतो. पावसाळ्यात साचलेल्या पाण्यामुळे खड्डे झाकले जातात, ज्यामुळे वाहनचालकांना धोका आणखी वाढतो.

• पादच्रायांचे हाल

रस्त्याच्या बाजूच्या पादचारी मार्गाचीही दुरवस्था झाली आहे. उघड्या नाल्या, पाण्याने भरलेले खड्डे आणि तुटलेली झाकणे यामुळे पादच्रायांना चालणे कठीण झाले आहे. महिला, शाळकरी मुले आणि वृद्ध नागरिकांना हा मार्ग धोक्याचा ठरत आहे. रात्रीच्या वेळी अपुरा प्रकाश आणि खड्ड्यांमुळे पादच्रायांना जीव मुठीत धरून चालावे लागते. अनेकांनी रस्त्यावरून चालण्याऐवजी पर्यायी मार्ग शोधण्यास सुरुवात केली आहे, पण सर्वच पर्याय सुसज्ज नाहीत.

• महापालिकेचे दुर्लक्ष आणि नागरिकांचा रोष

गॅस पाइपलाइनचे काम पूर्ण होऊन एक महिन्याहून अधिक काळ लोटला, तरी रस्त्याची पुनर्बांधणी सुरू झालेली नाही. नागरिकांनी महापालिकेकडे वारंवार तक्रारी केल्या, पण प्रत्यक्ष कारवाईऐवजी केवळ आश्वासने मिळाली. ठेकेदारांवर नोटिसांचा दावा केला जात असला, तरी कारवाईचा अभाव आहे. यामुळे महापालिकेच्या कार्यक्षमतेवर प्रश्नचिन्ह निर्माण झाले आहे. स्थानिक नागरिकांचा रोष वाढत असून, काहींनी रस्त्याच्या दुरवस्थेविरोधात आंदोलनाचा इशारा दिला आहे. “लाखो रुपये खर्चूनही रस्ते सुधारत नसतील, तर हा पैसा कुठे जातो?“ असा सवाल नागरिक विचारत आहेत.

• पावसाळ्याचा त्रास

पावसाळ्यात रस्त्यावरील परिस्थिती आणखी बिकट झाली आहे. बाजूच्या पट्ट्या उकरल्याने ड्रेनेज व्यवस्था कोलमडली आहे. पावसाचे पाणी रस्त्यावर साठत असल्याने चिखल आणि खड्ड्यांचा प्रश्न गंभीर बनला आहे. खड्ड्यांमध्ये साचलेले पाणी वाहनचालकांना दिसत नाही, ज्यामुळे अपघातांचा धोका वाढतो. चिखलामुळे दुचाकी घसरत असून, पादच्रायांना रस्त्यावरून चालणे अशक्य झाले आहे. एकेरी वाहतुकीमुळे वाहनांच्या रांगा लांबत असून, प्रवासाचा वेळ आणि त्रास वाढत आहे. ही परिस्थिती केवळ असुविधाजनक नाही, तर सार्वजनिक सुरक्षिततेचा प्रश्न निर्माण करणारी आहे.

• उपाययोजनांची गरज

सध्याच्या परिस्थितीत तातडीने खालील उपाययोजना राबवणे आवश्यक आहे

रस्त्याचे पुनर्बांधणी : रस्त्याच्या बाजूच्या पट्ट्यांचे दर्जेदार डांबरीकरण किंवा सिमेंट काँक्रिटीकरण तात्काळ करणे.

जलनिचरा व्यवस्थेची सुधारणा : उघड्या नाल्यांना झाकणे आणि पाण्याचा निचरा होण्यासाठी ड्रेनेज व्यवस्था दुरुस्त करणे.

ठेकेदारांवर कारवाई : अर्धवट काम करण्राया ठेकेदारांवर दंडात्मक कारवाई आणि जबाबदारी निश्चित करणे.

पारदर्शकता : गॅस पाइपलाइन आणि रस्ते पुनर्बांधणीच्या खर्चाची माहिती जनतेसमोर मांडणे.

पर्यायी मार्ग : वाहतूक कोंडी टाळण्यासाठी तात्पुरते पर्यायी मार्ग उपलब्ध करणे आणि त्यांची देखभाल करणे.

• वाहतूक व्यवस्थापन

एकेरी वाहतुकीमुळे होणारी कोंडी कमी करण्यासाठी वाहतूक नियोजन आणि पोलिसांचे सहकार्य.

कळंबा साई मंदिर ते संभाजीनगर चौक हा रस्ता कोल्हापूर-गारगोटी महामार्गाचा महत्त्वाचा भाग आहे. तरीही, गॅस पाइपलाइनच्या कामानंतर रस्त्याची पुनर्बांधणी न झाल्याने नागरिक त्रस्त आहेत. बाजूच्या पट्ट्या उकरल्याने रस्ता अरुंद झाला असून, एकेरी वाहतुकीमुळे वाहनांच्या लांब रांगा लागत आहेत. लाखो रुपये खर्चूनही सुविधा मिळत नसल्याने महापालिकेच्या नियोजनावर प्रश्न उपस्थित होत आहेत. प्रशासनाने तातडीने पाऊले उचलण्याची गरज आहे.