वरुण धवनसोबत रोमान्स करणार पूजा

पूजा हेगडे ही डेव्हिड धवन यांच्या आगामी चित्रपटात वरुण धवनसोबत अभिनय करणार आहे. तर यापूर्वी श्रीलीला या चित्रपटाद्वारे बॉलिवूडमध्ये पदार्पण करणार होती. श्रीलीला ‘गुंटूर कारम’ आणि ‘भगवंत केसरी’ यासारख्या दाक्षिणात्य भारतीय चित्रपटांमधील भूमिकांसाठी ओळखली जाते. परंतु वरुण धवनच्या चित्रपटात आता श्रीलीला ऐवजी नायिका म्हणून पूजा हेगडेची निवड करण्यात आली आहे. या चित्रपटात अभिनेत्री मृणाल ठाकूर देखील दिसणार आहे. वरुण आणि त्याचे वडिल डेव्हिड धवन पुन्हा एकदा चित्रपटासाठी एकत्र आले आहेत. हा त्यांचा एकत्रितपणे काम केलेला चौथा चित्रपट ठरणरा आहे. वरुण धवन आणि डेव्हिड यांनी यापूर्वी 2014 मध्ये ‘मैं तेरा हीरो’, 2017 मध्ये ‘जुडवा 2’ आणि 2021 मध्ये ‘कुली नंबर 1’मध्ये एकत्र काम केले आहे. तर वरुण धवनच्या नव्या चित्रपटाचे नाव ‘जवानी तो इश्क होना है’ असे आहे. त्याचा हा चित्रपट पुढील वर्षी 2 ऑक्टोबर रोजी प्रदर्शित होणार असल्याचे समजते.