पोलीस एएसआयची बिहारमध्ये हत्या

डोक्यावर रॉडने हल्ला : पाच जणांना अटक

वृत्तसंस्था/ मुंगेर

बिहारमधील मुंगेर जिल्ह्यात पोलीस अधिकाऱ्याची हत्या झाल्याची घटना शनिवारी उघड झाली. शुक्रवारी रात्री मुफस्सिल पोलीस स्टेशन परिसरात एएसआय संतोष कुमार सिंग यांच्यावर गुन्हेगारांनी लोखंडी रॉड आणि धारदार शस्त्रांनी हल्ला केला. या हल्ल्यात ते गंभीर जखमी झाले. परंतु उपचारादरम्यान त्यांचा मृत्यू झाला. या घटनेत पोलिसांनी चार आरोपींना अटक केली आहे.

गु•t यादव या गुन्हेगाराने दिलेल्या माहितीवरून पोलिसांनी मुख्य आरोपी रणवीर यादवला अटक करण्यासाठी छापा टाकला होता. यादरम्यान हल्ल्याची घटना घडली आहे. गुन्हेगारांचे धाडस पोलिसांना सतत आव्हान देत आहे. एएसआय संतोष कुमार सिंग यांची निर्घृण हत्या आणि नंतर अटकेदरम्यान पोलीस पथकावर गोळीबार झाल्याची घटना घडल्याने संपूर्ण जिह्यात खळबळ उडाली आहे. मुफस्सिल पोलीस स्टेशन परिसरात या घटना घडल्या असून गुन्हेगारांना पकडण्यासाठी गेलेले पोलीस पथकही हल्ल्याचे बळी ठरले आहे.