व्हॉट्सअॅप-फेसबुकची, इन्स्टाग्रामचे प्लस व्हर्जन येणार

नवीन बदलानुसार पैसे मोजावे लागणार

वृत्तसंस्था/वाशिंग्टन

सोशल मीडिया कंपनी मेटाने इन्स्टाग्राम, फेसबुक आणि व्हॉट्सअॅपसाठी नवीन सबक्रिप्शन प्लॅन्स सादर केले आहेत. याअंतर्गत अॅपची ‘प्लस“ आवृत्ती आणली जात आहे. हा प्लॅन घेणाऱ्या वापरकर्त्यांना विशेष टूल्स आणि कस्टमायझेशनचे पर्याय मिळतील. मेटा अॅड्स व्यतिरिक्त उत्पन्नाचा एक नवीन स्रोत निर्माण करण्याच्या धोरणाचा हा एक भाग आहे. नवीन प्लस प्लॅन्स कंपनीच्या सध्याच्या ‘मेटा व्हेरिफाईड‘ प्लॅन्सची जागा घेणार नाहीत. मेटाने नुकतेच या नवीन ‘प्लस“ सबक्रिप्शन प्लॅन्सच्या जागतिक रोलआउटची घोषणा केली आहे, परंतु कंपनीने भारतातील लॉन्चची तारीख जाहीर केलेली नाही. भारत हे मेटासाठी जगातील सर्वात मोठ्या वापरकर्ता वर्गाचे मार्केट असल्याने, कंपनी सहसा येथे कोणत्याही मोठ्या फीचरचा टप्प्याटप्प्याने छोटासा रोलआउट करते.

इन्स्टाग्राम प्लस, फेसबुक प्लसमध्ये काय विशेष

इन्स्टाग्राम प्लस आणि फेसबुक प्लस हे प्रामुख्याने सामाजिक अभिव्यक्ती आणि क्रिएटर्सना लक्षात घेऊन डिझाइन केले आहेत. यामध्ये, वापरकर्त्यांना त्यांची स्टोरी किती लोकांनी पाहिली आहे हे पाहण्याची सुविधा मिळेल.

ग्राहकांना मिळणार पाच फायदे

फेव्हरेटची स्वतंत्र यादी: सध्या तुम्ही फक्त ‘जवळच्या मित्रांची“ यादी तयार करू शकता. नवीन फीचरमुळे, तुम्ही तुमच्या आवडीनुसार हव्या तितक्या वेगवेगळ्या याद्या तयार करू शकाल आणि कोणते फोटो किंवा व्हिडिओ दाखवायचे हे ठरवू शकाल. 24 तासांनंतरही स्टोरी हटणार नाही: सध्याला स्टोरी 24 तासांमध्ये हटते. आता तुम्ही तुमची स्टोरी तुमच्या प्रोफाइलवर 24 तासांपेक्षा जास्त काळ ठेवू शकता. तुम्ही आठवड्यातून एकदा तुमच्या स्टोरीला ‘स्पॉटलाइट“ करू शकाल, जेणेकरून अधिक लोक ती पाहू शकतील. इतरांना त्रास न देता प्रोफाइल अपडेट करा: तुम्ही कोणताही फोटो किंवा व्हिडिओ थेट तुमच्या प्रोफाइल हायलाइट्समध्ये सेव्ह करू शकता. यासाठी तुमच्या मित्रांच्या होम पेजवर कोणतीही सूचना किंवा नवीन पोस्ट दिसणार नाही. सजवण्याचे नवीन मार्ग: तुमचे प्रोफाइल सुंदर बनवण्याच्या नवीन मार्गांमध्ये फॉन्ट्स, क्रीनवर तरंगणाऱ्या ‘सुपर हार्ट“ रिअॅक्शन्स आणि आवडत्या अॅप आयकॉन्सचा समावेश आहे.

व्हॉट्सअॅप प्लसमध्ये काय खास?

हे पूर्णपणे पर्सनलायझेशन आणि मेसेजिंगवर केंद्रित आहे. यामध्ये वापरकर्त्यांना अॅप थीम्स, कस्टम रिंगटोन्स, अतिरिक्त पिन केलेले चॅट्स, लिस्ट कस्टमायझेशन आणि प्रीमियम स्टिकर्स यांसारखी वैशिष्ट्यो मिळतील. मेटा एआय वापरकर्त्यांसाठी दोन प्लॅन्सची चाचणी सुरू आहे.

मेटा वन प्लस: 7.99 (अंदाजे रु. 770) प्रति महिना.

मेटा वन प्रीमियम: 19.99 (अंदाजे रु. 1,900) प्रति महिना.

दोन्हीमध्ये समान वैशिष्ट्यो आहेत, परंतु प्रीमियम प्लॅनमध्ये कठीण कामांसाठी अधिक सखोल तर्क आणि उच्च संगणकीय क्वेरी करण्याची क्षमता अनलॉक होईल. यामुळे मेटा अॅप्सवर सर्वोत्तम व्हिडिओ आणि इमेज-जनरेशनची सुविधा मिळेल. मेटा एआय सामान्य वापरकर्त्यांसाठी विनामूल्य राहील.