तिलारी घाटात महिंद्रा पिकअपला अपघात

(साटेली भेडशी प्रतिनिधी)

तिलारी घाटातील अपघातग्रस्त जयकर पॉईंट येथे टोमॅटो वाहतूक करणाऱ्या पिकअप गाडीला बुधवारी पहाटे अपघात झाला.या अपघाताबाबत मिळालेली माहिती अशी की बेळगावहून म्हापसा- गोवा येथे टोमॅटोची वाहतूक करत असताना बुधवारी पहाटे तिलारी घाटातील अपघातग्रस्त जयकर पॉईंट येथे पिकअप गाडी आली. गाडीवरील नियंत्रण सुटले व अपघात झाला. यात पिकअप गाडी पलटी झाली व गाडीतील प्लास्टिक ट्रे मध्ये असलेल्या टोमॅटोचे हजारों रुपयांचे नुकसान झाले आहे.अपघातात गाडी व आतील सामानाचे मोठे नुकसान झाले असून चालक व त्याचा साथीदार सुखरूप आहेत.