#मेलोडी...मोदी आणि मेलोनींच्या फोटोंची इंटरनेटवर चर्चा

"आजच्या चर्चेसाठी मी उत्सुक आहे, ज्यामध्ये भारत-इटली मैत्रीला अधिक चालना कशी द्यावी यावर आम्ही चर्चा सुरू ठेवू," असे पंतप्रधान मोदींनी त्यांच्या इटालियन समकक्षांसोबतचे फोटो शेअर करत, त्यांच्या सोशल मीडिया हँडलवरील पोस्टमध्ये म्हटले आहे.

पंतप्रधान मोदी मंगळवारी इटलीमध्ये दाखल झाले आणि इटलीचे पंतप्रधान मेलोनी यांची भेट घेतली . बुधवारी ते मेलोनी यांच्याशी चर्चा करणार आहेत. “रोममध्ये आपले स्वागत आहे, मित्रा!” असे मेलोनी यांनी एक्स वाहिनीवर म्हटले. दोन्ही नेते शेवटचे नोव्हेंबर २०२५ मध्ये जी२० च्या निमित्ताने भेटले होते आणि त्यांनी द्विपक्षीय बैठक घेतली होती.

पंतप्रधानांनी इटालियन कलाकारांचे कथक, कुचिपुडी आणि भरतनाट्यम यांसारखे सांस्कृतिक कार्यक्रम पाहिले, असे जयस्वाल म्हणाले. "या स्वागत समारंभात इटालियन संगीतकारांनी सादर केलेल्या भारतीय शास्त्रीय संगीताच्या हृदयस्पर्शी कार्यक्रमाचाही समावेश होता. संतूर, तबला, बासरी आणि सतार यांच्या मनमोहक प्रदर्शनातून भारताच्या संगीत परंपरेची समृद्धी दिसून आली," असे प्रवक्त्याने सांगितले.