‘फोन पे’चे आयपीओ सादरीकरण लांबणीवर

राजकीय तणावासह जागतिक बाजारातील अस्थिरतेचा परिणाम

मुंबई :

डिजिटल पेमेंट क्षेत्रातील कंपनी फोनपेने आपले सार्वजनिक बाजारातील सादरीकरण म्हणजेच आयपीओ प्रक्रिया सध्यापुरती थांबवली आहे. कंपनीने जाहीर केले की, जागतिक स्तरावर सुरू असलेला भू-राजकीय तणाव आणि बाजारातील प्रचंड चढ-उतार लक्षात घेऊन हा निर्णय घेण्यात आल्याची माहिती आहे. कंपनीने स्पष्ट केले आहे की, जागतिक भांडवली बाजार स्थिर झाल्यावर सादरीकरण प्रक्रिया पुन्हा सुरू केली जाईल. या निर्णयावर फोनपेचे सीईओ समीर निगम म्हणाले, ‘आम्ही आशा करतो की प्रभावित क्षेत्रांमध्ये लवकरात लवकर शांतता प्रस्थापित होईल’.

दरम्यान ‘आम्ही आमची सादरीकरणाची योजना सध्यासाठी पुढे ढकलली आहे, परंतु आम्ही भारतातील या सार्वजनिक सादरीकरणासाठी पूर्णपणे वचनबद्ध आहोत.’ कॉर्पोरेशनच्या निवेदनावरून हे स्पष्ट होते की, कंपनी भारतीय शेअर बाजारात सूचीबद्ध होण्याची तयारी करत आहे, परंतु सध्या योग्य वेळेची वाट पाहत आहे. 30 सप्टेंबर 2025 पर्यंतच्या आकडेवारीनुसार, फोनपेचे 65 कोटींहून अधिक नोंदणीकृत वापरकर्ते आहेत. याव्यतिरिक्त, कंपनीचे डिजिटल पेमेंट स्वीकारण्याचे नेटवर्क 4.7 कोटींहून अधिक व्यापाऱ्यांपर्यंत विस्तारलेले आहे.

ठळक बाबी

-ग्राहक पेमेंट: यामध्ये डिजिटल वितरण सेवांचा समावेश आहे.

-व्यापारी पेमेंट: व्यापाऱ्यांसाठी पेमेंट सोल्यूशन्स.

-कर्ज आणि विमा: कंपनी कर्ज आणि विमा वितरण सेवा देखील प्रदान करते.

-शेअर बाजार: कंपनीचे स्वत:चे स्टॉक ब्रोकिंग आणि म्युच्युअल फंड वितरण

प्लॅटफॉर्म आहे.

-इंडस अॅपस्टोअर: फोनपेने ‘इंडस अॅपस्टोअर’ नावाचे अँड्रॉइड आधारित मोबाईल अॅप मार्केटप्लेस देखील सुरू केले आहे.