पेटीएम युरोप : डिजिटल पेमेंटचा परवाना

नवी दिल्ली : पेटीएम युरोपला लक्झेंबर्गच्या वित्तीय नियामकाकडून डिजिटल पेमेंट व्यवहाराचा परवाना मिळाला आहे. पेटीएम आता भारताप्रमाणे युरोपमध्येही कार्यरत राहणार आहे. पेमेंट खात्यातून पेमेंट सर्व्हिस प्रोव्हायडर खात्यात निधी हस्तांतरण, स्टँडिंग इन्स्ट्रक्शन आणि क्रेडिट ट्रान्सफर सुविधेपर्यंत सर्व सेवा उपलब्ध होणार आहेत.   भारतीय फिनटेक क्षेत्रातील दिग्गज कंपनी पेटीएमने घोषणा केली आहे की, तिच्या सेवा आता युरोपमध्येही (पेटीएम इन युरोप) कार्यरत असतील. पेटीएमची मूळ कंपनी वन97 ने जाहीर केले आहे की, तिची उपकंपनी पेटीएम युरोपला लक्झेंबर्गच्या वित्तीय नियामक सीएसएसएफकडून डिजिटल पेमेंटचा परवाना मंजूर करण्यात आला आहे. भारताप्रमाणेच, पेटीएमच्या अनेक सेवा युरोपमध्येही कार्यरत असतील. हा परवाना 2 जुलै 2026 पासून प्रभावी होईल. युरोपमधील कंपनीच्या विस्तार योजनांसाठी हे एक मोठे यश आहे.

युरोपमध्ये कोणत्या सेवा उपलब्ध असतील?

-पेटीएम युरोप आता भारतात दिल्या जाणाऱ्या अनेक पेमेंट संबंधित सेवा युरोपमध्येही चालवेल.

-पेमेंट खात्यातून पेमेंट सर्व्हिस प्रोव्हायडर खात्यात निधी हस्तांतरण, स्टँडिंग इन्स्ट्रक्शन आणि क्रेडिट ट्रान्सफर सुविधेपर्यंत.

-ग्राहकाच्या क्रेडिट लाइनचा वापर करून होणारे पेमेंट व्यवहार आता युरोपमध्ये

-पेटीएमद्वारे प्रक्रिया केले जाऊ शकतात.

-पेटीएम अॅक्वायरिंग सर्व्हिस म्हणजेच मर्चंट पेमेंट स्वीकारण्याची सुविधा देखील सुरू केली जाईल.