पॅसेंजर वाहन विक्रीने मोडला विक्रम

नोव्हेंबरमध्ये 3.94 लाख युनिट्सवर पोहोचली : फाडाने सादर केली माहिती

वृत्तसंस्था/ नवी दिल्ली

भारतात प्रवासी वाहन (पीव्ही) किरकोळ विक्री गेल्या वर्षीच्या तुलनेत नोव्हेंबरमध्ये 20 टक्क्यांनी वाढून 3,94,152 युनिट्सवर पोहोचली. ही वाढ प्रामुख्याने उत्सवी हंगाम आणि उएऊ सुधारणांनंतरही ग्राहकांच्या मागणीत वाढ झाल्यामुळे झाली असल्याची माहिती फेडरेशन ऑफ ऑटोमोबाईल डीलर्स असोसिएशन (फाडा) ने सोमवारी दिली आहे.

फाडाचे अध्यक्ष सीएस विघ्नेश्वर म्हणाले की, जीएसटी फायदे, लग्नाच्या हंगामातील मागणी, लोकप्रिय मॉडेल्सची चांगली उपलब्धता आणि कॉम्पॅक्ट एयूव्हीची वाढती लोकप्रियता यामुळे मागणी वाढली. इन्व्हेंटरी देखील 44-46 दिवसांपर्यंत झपाट्याने घसरली, जी पूर्वी 53-55 दिवस होती, जी पुरवठा आणि मागणीमधील संतुलन दर्शवते.

अन्य विभागांचे सादरीकरण :

व्यावसायिक वाहने: 20 टक्के वाढ

तीन चाकी वाहने: 24 टक्के वाढ

ट्रॅक्टर: 57 टक्के वाढ

दुचाकी वाहने: 3 टक्के घट

बांधकाम उपकरणे: 17 टक्के घट

एकूणच, नोव्हेंबरमध्ये वाहनांच्या किरकोळ विक्रीत 2.14 टक्के वाढ झाली, एकूण 33 लाख युनिट्स राहिली आहे.

उद्योग तज्ञांचे मत

विघ्नेश्वर म्हणाले की, नोव्हेंबर 2025 मध्ये पारंपारिक उत्सवोत्तर मंदीला आव्हान देण्यात आले. यावेळी बहुतेक सणांच्या खरेदी ऑक्टोबरमध्ये झाल्या, तर गेल्या वर्षी नोव्हेंबरमध्ये झाल्या. तरीही, ऑटो रिटेलने चांगली कामगिरी केली, ज्यामुळे ग्राहकांचा विश्वास आणि भारताच्या ऑटो मार्केटची ताकद सिद्ध झाली.  जीएसटी दरात कपात, ओईएम-डीलर ऑफर आणि लग्नाच्या हंगामातील मागणीमुळे खरेदीदार शोरूमकडे आकर्षित झाले आहेत, असे ते म्हणाले. ऑक्टोबरमध्ये सुरू झालेल्या कमी किमतींमुळे नोव्हेंबरमध्येही विक्री वाढण्यास मदत झाली.

आगामी काळात अच्छे दिन?

एफएडीएच्या मते, पुढील तीन महिन्यांत ऑटो रिटेल वाढ सुरू राहण्याची शक्यता आहे. नवीन मॉडेल्स लाँच, जानेवारीमध्ये किमतीत वाढ आणि लग्नाच्या हंगामातील मागणी यामुळे विक्री वाढण्यास मदत होईल. ग्रामीण भागातील कृषी उत्पन्नात सुधारणा आणि सरकारच्या ‘एक राष्ट्र, एक कर’ आणि ‘विक्षित भारत 2047’ योजनांमुळे वाहनांची उपलब्धता आणि परवडणारी क्षमता देखील मजबूत होईल.