सेबी-गुगल यांच्यामध्ये भागीदारी

नवी दिल्ली :

सेबी नियामकाने तंत्रज्ञान क्षेत्रातील दिग्गज कंपनी गुगलला, नियमांचे उल्लंघन करणाऱ्या आर्थिक प्रभावांवर लक्ष ठेवण्यासाठी आपली कृत्रिम बुद्धिमत्ता (एआय) साधने आणि अंमलबजावणी उपाययोजना वाढवण्यास सिक्युरिटी अॅण्ड एक्सचेंज बोर्ड ऑफ इंडिया (सेबी) चे अध्यक्ष तुहीन कांत पांडे यांनी सांगितले आहे.

सेबीच्या अध्यक्षांनी मोठ्या तंत्रज्ञान कंपन्यांना फसवणूक करणाऱ्यांविरुद्ध कारवाई करण्यासाठी अधिक समन्वय साधण्याचे आवाहनही केले. पांडे म्हणाले, ‘नियामकाने सोशल मीडियावर दिशाभूल करणारी माहिती असलेल्या एक लाखांहून अधिक लिंक्स काढल्या आहेत. आम्ही गूगललाही सक्रियपणे त्यांचे एआय सोल्यूशन्स स्वीकारण्याची विनंती केली आहे. आम्ही त्यांना ते विकसित करण्यास मदत करू, जेणेकरून ते आमच्या नियमांचे उल्लंघन करणाऱ्यांचा मागोवा घेऊ शकतील.’ बाजारातील मध्यस्थ असल्याचे भासवून गुंतवणूकदारांची फसवणूक करणाऱ्या बनावट अॅप्सपासून त्यांचे संरक्षण करण्याचा उद्देश आहे.