लोकसभेसाठी आरजीतर्फे उत्तरेत परब, दक्षिणेत परेरा

म्हापसा : येत्या लोकसभा निवडणुकीसाठी आरजीतर्फे उत्तर गोव्यात मनोज परब तर दक्षिण गोव्यात रॉबर्ट परेरा यांच्या नावाची घोषणा आमदार वीरेश बोरकर यांनी म्हापसा येथे अस्तित्व सभेच्या व्यासपीठावरून बोलताना केली. म्हापसा येथील टॅक्सी स्थानकावर काल मंगळवारी सायंकाळी जाहीर सभेचे आयोजन करण्यात आले होते. यावेळी बोरकर यांनी या दोन नावांची घोषणा केली. दोन्ही जागावरून आरजीला भरघोस मतदान करून निवडून देण्याचे आवाहन त्यांनी केले.