जलतरण स्पर्धेत पंकजाला सुवर्ण

बेळगाव : फेडरेशन ऑफ पॅरास्विमिंग इंडियाच्यावतीने बेंगळूर येथे पॅरास्विमिंग असोसिएशनने आयोजित केलेल्या जलतरण स्पर्धेत येथील बिम्सची विद्यार्थिनी पंकजा रेवणकर हिने सुवर्ण, रौप्यपदक पटकाविले आहे. राज्य पातळीवरील या स्पर्धेत सरकारी वैद्यकीय महाविद्यालयात शिक्षण घेणाऱ्या पंकजाने एक सुवर्ण,दोन रौप्यपदक पटकाविली असून राष्ट्रीय पातळीवरील जलतरण स्पर्धेसाठी तिची निवड झाली आहे. बिम्सचे वैद्यकीय संचालक डॉ. अशोककुमार शेट्टी, मुख्य प्रशासकीय अधिकारी सिद्दू हुल्लोळ्ळी आदींनी या विद्यार्थिनीचे अभिनंदन केले आहे.