Rohit Chandel arrested टीव्ही अभिनेता रोहीत चंदेल याला पोलिसांनी केली अटक

मुंबई :
‘पंड्या स्टोअर‘ आणि ‘काशीबाई बाजीराव बल्लाळ‘ यांसारख्या अत्यंत गाजलेल्या मालिकांमध्ये महत्त्वाची भूमिका साकारणारा अभिनेता रोहित चंदेल याला मुंबई पोलिसांनी अटक केली आहे.

रोहितवर एका 16 वर्षांच्या अल्पवयीन मुलीचा छळ करणे, तिचा सतत पाठलाग करणे आणि तिला मारहाण केल्याचा गंभीर आरोप आहे. दहिसर परिसरात घडलेल्या या घटनेनंतर पीडित मुलीच्या तक्रारीवरून मुंबई पोलिसांनी रोहित चंदेलविरुद्ध पोक्सो आणि भारतीय न्याय संहितेच्या विविध कलमांतर्गत गुन्हा दाखल करण्यात आला आहे.

पोलीस अधिक्रायाने दिलेल्या माहितीनुसार, तक्रारीत म्हटलं की रोहित आणि ती अल्पवयीन मुलगी एकमेकांना ओळखत होते. रोहित तिला वारंवार फोन करत होता. त्या मुलीने रोहितचे फोन उचलणं बंद केलं, त्यानंतर तो इतर वेगवेगळ्या नंबरवरून तिला फोन करून संपर्क साधण्याचा प्रयत्न करू लागला.

दहिसर येथे राहण्राया रोहितचा 5 जुलै रोजी त्या मुलीशी तिच्या घराजवळ वाद झाला होता. त्याने तिला अडवले आणि तिच्यावर ओरडला. तसेच त्याने तिचा पाठलाग केला आणि तिला मारहाण केली, असा आरोप तक्रारीत करण्यात आला आहे.

या घटनेनंतर मुलीने स्थानिक पोलीस ठाण्यात धाव घेतली आणि तिथे रोहित चंदेलविरुद्ध तक्रार दिली. याप्रकरणी पोलिसांनी अधिक तपास करण्यास सुरुवात केली आहे.