पाकचा ऑस्ट्रेलियावर 90 धावांनी विजय

तीन सामन्यांच्या मालिकेत पाकची विजयी आघाडी

लाहोर : 

शनिवारी येथील गद्दाफी स्टेडियमवर झालेल्या तीन सामन्यांच्या मालिकेतील दुसऱ्या टी-20 सामन्यात पाकिस्तानने ऑस्ट्रेलियाचा 90 धावांनी पराभव केला. या दमदार विजयासह, पाकने या मालिकेत 2-0 अशी निर्णायक आघाडी घेतली. शानदार अर्धशतक नोंदवणाऱ्या कर्णधार सलमान अली आगाला सामनावीर म्हणून घोषित करण्यात आले.

प्रथम फलंदाजी करताना, पाकिस्तानने 20 षटकांत 5 बाद 198 धावांचा आव्हानात्मक धावसंख्या उभारली. आगाने 40 चेंडूंत 8 चौकार आणि चार उत्तुंग षटकारांसह सर्वाधिक 76 धावा केल्या. यष्टीरक्षक-फलंदाज उस्मान खानने 36 चेंडूंत चार चौकार आणि दोन षटकारांसह 53 धावा केल्या. ऑस्ट्रेलियाकडून झेवियर बार्टलेट (1/52), मॅथ्यू कुहनेमन (1/40), कूपर कॉनोली (1/30), शॉन अॅबॉट (1/33) आणि अॅडम झांपा (1/27) यांनी प्रत्येकी एक बळी घेतला.

199 धावांचा पाठलाग करताना, पाकिस्तानच्या शानदार गोलंदाजीमुळे ऑस्ट्रेलियाचा संघ 15.4 षटकांत 108 धावांतच गारद झाला. सईम आयुब (1/32), अबरार अहमद (3/14), मोहम्मद नवाज (1/11), शादाब खान (3/26) आणि उस्मान तारिक (2/16) यांनी विकेट घेतल्या. ऑस्ट्रेलियाकडून कॅमेरॉन ग्रीनने 20 चेंडूत 35 धावा केल्या.