पी. व्ही. सिंधू उपांत्यपूर्व फेरीत

ओडेन्स : विश्व बॅडमिंटन फेडरेशनच्या येथे सुरू असलेल्या डेन्मार्क खुल्या सुपर 750  आंतरराष्ट्रीय बॅडमिंटन स्पर्धेत भारताच्या पी.व्ही. सिंधूने चीनच्या हेन युईचा पराभव करत महिला एकेरीची उपांत्यपूर्व फेरी गाठली आहे. गुरुवारी झालेल्या महिला एकेरीच्या दुसऱ्या फेरीतील सामन्यात सिंधूने युईचा 18-21, 21-12, 21-16 अशा गेम्समध्ये पराभव करत शेवटच्या 8 खेळाडूत स्थान मिळविले. हा सामना 63 मिनिटे चालला होता. गेल्या मे महिन्यानंतर सिंधूने अव्वल 10 बॅडमिंटनपटूंच्या यादीतील खेळाडूवर मिळविलेला हा पहिला विजय आहे. चीनची युई क्रमवारी सातव्या स्थानावर आहे. पी. व्ही. सिंधूचा उपांत्यपूर्व फेरीचा सामना इंडोनेशियाची तूनजंग किंवा डेन्मार्कची ब्लिचफिल्ड बरोबर होईल. या स्पर्धेत सहभागी झालेल्या भारताच्या इतर बॅडमिंटनपटूंचे आव्हान यापूर्वीच संपुष्टात आले आहे.