ओयोचा निव्वळ नफा 229कोटींवर

नवी दिल्ली :

हॉटेल व्यवसाय क्षेत्रातील ओयोने आर्थिक वर्ष 2023-24 मध्ये 229 कोटी रुपयांचा निव्वळ नफा कमावला आहे. ओयोचे संस्थापक रितेश अग्रवाल यांनी सोशल मीडिया प्लॅटफॉर्म ‘एक्स’ वर माहिती दिली.

अग्रवाल यांनी लिहिले, गेल्या काही वर्षांत मी शिकलेला सर्वात मोठा धडा म्हणजे चर्चा कमी करणे आणि अधिक काम करणे. आमचे ऑडिट केलेले निकाल संचालक मंडळाच्या मंजुरीनंतर प्रकाशित केले जातात. निव्वळ नफा 229 कोटी रुपये होता, जो अधिक आहे. आधीच्या 100 कोटींच्या अंदाजापेक्षा जास्त झाला आहे. ओयोच्या  वार्षिक अहवालानुसार, ओयोचे समायोजित करपूर्व उत्पन्न आर्थिक वर्ष 2022-23 मधील सुमारे 277 कोटी रुपयांवरून 2023-24 मध्ये 215 टक्के वाढून सुमारे 877 कोटी रुपये झाले. कंपनीचा एकूण खर्च 5,207 कोटी रुपयांवरून 2023-24 मध्ये सुमारे 4,500 कोटी रुपयांवर घसरला.