लोककल्प फाऊंडेशनतर्फे देवाचीहट्टीत नेत्रचिकित्सा

बेळगाव : लोककल्प फाऊंडेशनने डॉ. अगरवाल नेत्रदर्शन आयकेअर हॉस्पिटलच्या सहकार्याने खानापूर तालुक्यातील देवाचीहट्टी येथे मोफत नेत्रचिकित्सा शिबिराचे आयोजन केले होते. खानापूर तालुक्यातील कर्नाटक, महाराष्ट्र व गोवा सीमेवरील या गावामध्ये 45 ग्रामस्थांची आरोग्य तपासणी करण्यात आली. मोतीबिंदू तसेच नेत्रतपासणी करून योग्य सल्ला देण्यात आला. लोकमान्य मल्टीपर्पज को-ऑप. सोसायटीचे चेअरमन डॉ. किरण ठाकुर यांच्या संकल्पनेतून खानापूर तालुक्यातील 32 गावांना दत्तक घेऊन येथे विविध योजना राबविल्या जात आहेत. यावेळी लोककल्प फाऊंडेशनचे किशोर नाईक, स्वयंसेवक संतोष कदम, डॉ. अगरवाल नेत्रदर्शन हॉस्पिटलचे पीआरओ उदय यांच्यासह डॉक्टर व नर्स आदी उपस्थित होते.