भुताटकीयुक्त घरात काढावी लागते रात्र

अजब नोकरी, मिळतात 52 हजार रुपये

एखाद्याची हत्या झालेली असेल किंवा ज्याला भुताटकीयुक्त मानण्यात येणाऱ्या घरात पूर्ण रात्र तुम्ही एकट्याने घालवू शकता का? बहुतांश लोक असे करण्यापूर्वी अनेकदा विचार करतील. परंतु जपानमध्ये आता अशा कथित ‘भुताटकीयुक्त घरां“मध्ये रात्र घालविणे एक पेशा ठरत आहे. येथे लोकांना अशा प्रॉपर्टींमध्ये एक रात्र घालविण्यासाठी 88 हजार येन म्हणजेच सुमारे 52 हजार रुपये देण्यात येत आहेत.

या कामामागील उद्देश भूतांचा शोध घेणे नाही, तर रिकामी पडलेल्या घरांना पुन्हा विकणे किंवा भाड्याने देण्यास मदत करणे आहे. हे लोक रात्रभर घरात राहून कॅमेरे आणि इतर उपकरणांच्या मदतीने कथित पॅरानॉर्मल अॅक्टिव्हिटीची तपासणी करतात. जर रात्रभर काहीच असामान्य घडले नाही, तर प्रॉपर्टीवरून एक प्रमाणपत्र जारी केले जाते की तेथे कुठलीच पॅरानॉर्मल अॅक्टिव्हिटी आढळून आली नाही.

जपानचा ‘जिक्को बुक्केन

कुठल्याही प्रॉपर्टीत एखाद्याचा मृत्यू असामान्य किंवा त्रासदायक स्थितीत झालेला असेल तर त्याला जपानमध्ये जिक्को बुक्केन म्हटले जाते. यात हत्या, आत्महत्या, आग किंवा ‘लोनली डेथ“ यासारखी प्रकरणे सामील असू शकतात. जेव्हा एखादा व्यक्ती घरातच एकटाच असताना मृत्युमुखी पडल्यास आणि त्याच्या मृत्यूचा अनेक दिवसांपर्यंत कुणालाच थांगपत्ता न लागल्यास त्याला लोनली डेथ म्हटले जाते. अशा प्रॉपर्टींचा इतिहास समोर आल्यावर अनेक लोक तेथे राहण्यास टाळाटाळ करतात, याच भीतीला दूर करण्यासाठी कथित हाँटेड हाउस सिटरची मदत घेतली जात आहे.

रात्रभर घरात राहून तपासणी

या कामाशी निगडित लोक कथित  स्वरुपात पूर्ण रात्र अशा प्रॉपर्टीत घालवतात, यादरम्यान कॅमेरे आणि इतर उपकरणांद्वारे घराची देखरेख केली जाते. जर रात्रभर कुठलीच असामान्य हालचाल नोंद न झाल्यास प्रॉपर्टीत पॅरानॉर्मल अॅक्टिव्हिटी नसल्याचे प्रमाणपत्र दिले जाते. अहवालानुसार जर कुठल्याही प्रॉपर्टीला ‘भूतांपासून मुक्त“ घोषित करण्यात आल्यावर तेथे प्रमाणित पॅरानॉर्मल हालचाली झाल्या तर भरपाई देण्याचा दावा काही कंपन्या करतात.

लाखो रिकामी घरं

जपानमध्ये अशाप्रकारच्या सर्व्हिसमागे रिकामी पडलेल्या घरांची वाढती संख्या देखील मोठे कारण मानण्यात येत आहे. वाढत्या वयाची लोकसंख्या, घटता जन्मदर आणि शहरांच्या दिशेने पलायनामुळे देशात मोठ्या संख्येत घरं रिकामी पडली आहेत. यात बदनाम इतिहासयुक्त प्रॉपर्टीला खरेदीदार किंवा भाडेकरून मिळणे आणखी अवघड ठरते. अशा प्रॉपर्टी अनेकदा आसपासच्या समान घरांच्या तुलनेत 20-50 टक्के स्वस्त किमतीत विकल्या जातात किंवा भाडेतत्वावर मिळतात. याचमुळे कमी किमतीत घर शोधणाऱ्या काही लोकांसाठी ही प्रॉपर्टी एक पर्याय ठरत आहे.

अंधश्रद्धेवर भारी ठरतेय किंमत

कधीकाळी अशा प्रॉपर्टीपासून अंतर राखणाऱ्या लोकांदरम्यान आता त्यांची मागणी वाढली आहे. याचे एक कारण घरांच्या वाढत्या किमती असल्याचे सांगण्यात येत आहे. खासकरून काही युवा खरेदीदारांसाठी अंधश्रद्धेपेक्षा घराची किंमत महत्त्वाची आहे. अशा स्थितीत जपानमध्ये रियल इस्टेट आणि घोस्ट हंटिंगचा हा अनोखा मिलाप एका नव्या पेशाला जन्म देत आहे. जेथे एकीकडे लोकांना कथित भूताटकीयुक्त घरात रात्र घालविण्यासाठी पैसे मिळत आहेत, तर दुसरीकडे यामुळे वर्षांपासून रिकामी पडलेल्या घरांना पुन्हा खरेदीदार किंवा भाडेकरू मिळू शकेल अशी अपेक्षा प्रॉपर्टीच्या मालकांना वाटत आहे.