ट्रम्प यांच्या भाषणानंतर तेलाच्या किंमतीत तेजी

कच्च्या तेलाच्या किंमती 4 टक्क्यांपेक्षा अधिक मजबूत

वृत्तसंस्था,/ नवी दिल्ली

गुरुवारी अमेरिकेचे राष्ट्राध्यक्ष डोनाल्ड ट्रम्प यांच्या वक्तव्यानंतर 2 एप्रिल 2026 रोजी कच्च्या तेलाच्या किमतीत मोठी वाढ दिसून आली. राष्ट्राध्यक्ष ट्रम्प यांनी  इराण युद्धावर अमेरिकन जनतेला संबोधित केले. त्यात त्यांनी सांगितले की, त्यांच्या युद्धाची उद्दिष्ट्यो मोठ्या प्रमाणात साध्य झाली आहेत. त्यांच्या भाषणापूर्वी तेलाच्या किमती विक्रमी नीचांकी पातळीवर होत्या. पण भाषण संपताच तेलाच्या किमतीत त्वरित 3 टक्क्यांनी वाढ झाली आणि तेव्हापासून त्यात वाढ सुरूच होती,  ती 4.26 टक्क्यांवर पोहोचली आणि आणखी वाढ दिसून येत आहे.

गुरुवारी किमती वाढल्या

कच्च्या तेलाच्या किमती गुरुवारी 4.26 टक्क्यांनी वाढून प्रति बॅरल 104.294 डॉलरवर स्थिरावल्या. त्याच वेळी, ब्रेंट क्रूडची किंमत 5 टक्केपेक्षा जास्त वाढून प्रति बॅरल 106.177 डॉलरवर पोहोचली.

ट्रम्प यांच्या वक्तव्यानंतर तणाव कधी कमी होईल?

इराण युद्धावर अमेरिकेचे अध्यक्ष डोनाल्ड ट्रम्प यांनी तणाव लवकरच संपण्याचे संकेत दिले आहेत, पण याला दोन ते तीन आठवडे लागू शकतात असेही ते म्हणाले आहेत. त्यांच्या वक्तव्यानंतर तेलाच्या किमती वाढतच गेल्या.

अध्यक्ष ट्रम्प असेही म्हणाले की, जेव्हा हा तणाव पूर्णपणे संपेल म्हणजेच जेव्हा अमेरिकी सैन्य इराण सोडून जाईल, तेव्हा तेलाच्या किमती पुन्हा खाली येऊ शकतात.

अमेरिका, इस्रायल आणि इराण यांच्यातील युद्ध सुरू झाल्यापासून कच्च्या तेलाची किंमत विक्रमी पातळीवर पोहोचलेली नाही. होर्मुझची सामुद्रधुनी बंद झाल्यामुळे भारतासह अनेक देशांमध्ये तेलपुरवठा विस्कळीत झाला आहे.

भारतावर काय परिणाम?

आंतरराष्ट्रीय बाजारात कच्च्या तेलाच्या वाढत्या किमतींचा परिणाम भारतासह इतर अनेक देशांमध्ये दिसून येत आहे. तेल आणि गॅसच्या मर्यादित पुरवठ्यामुळे भारतात कमर्शियल एलपीजी सिलिंडरच्या किमती सतत वाढत आहेत. प्रीमियम पेट्रोल आणि डिझेलच्या किमतीही वाढत आहेत. तथापि, सरकारने घरगुती वापराच्या एलपीजी सिलिंडरच्या दरात बदल केलेला नाही.