उभाबाजार हनुमान मंदिरात बाप्पाला सहस्त्र मोदकांचा नैवेद्य अर्पण

सावंतवाडी

शहरातील उभाबाजार येथील दक्षिणाभिमुख हनुमान मंदिरात संकष्टी चतुर्थीच्या निमित्ताने हजारो मोदकांचा नैवेद्य अर्पण करण्यात आला. दरवर्षीप्रमाणे यंदाही हा धार्मिक कार्यक्रम मोठ्या उत्साहात पार पडला, ज्यामध्ये महिला भाविकांनी मोठ्या संख्येने सहभाग घेतला.या हनुमान मंदिरात दरवर्षी २१ दिवसांसाठी गणपती बाप्पा विराजमान होतात. या काळात मंडळाद्वारे विविध धार्मिक आणि सांस्कृतिक कार्यक्रमांचे आयोजन केले जाते. विसर्जन मिरवणूकही मोठ्या थाटामाटात काढली जाते. याच परंपरेचा भाग म्हणून, प्रत्येक वर्षी संकष्टी चतुर्थीला गणरायाला सहस्त्र मोदकांचा नैवेद्य अर्पण केला जातो.​यंदाही ही परंपरा कायम राखत, हनुमान मंदिरात गणेशाच्या मूर्तीसमोर हजारो मोदकांचा नैवेद्य ठेवण्यात आला. या वेळी उपस्थित असलेल्या महिलांनी भक्तिमय वातावरणात नैवेद्य अर्पण केला.उभाबाजार येथील श्री.दक्षिणाभिमूख हनुमान मंदिर येथील गणपती समोर संकष्टी निमित्त सहस्त्र मोदकाचा कार्यक्रम पार पडला यावेळी ब्राम्हणाच्या उपस्थित शास्त्रोक्त पध्दतीने अर्थवशिष पठण कार्यक्रम पार पडला. यावेळी महिलांनी मोठ्याप्रमाणात गर्दी केली होती.या निमित्त पार पडलेल्या पूजेचा मान पत्रकार अनंत जाधव यांना सपत्नीक देण्यात आला.