ब्रॉडबँडधारकांची संख्या 100 कोटीवर

नवी दिल्ली : गेल्या नोव्हेंबर महिन्यात ब्रॉडबँडधारकांची संख्या 100 कोटीचा आकडा पार करु शकली आहे. ही माहिती ट्राय अर्थात टेलिकॉम रेग्युलेटरी ऑथोरिटी ऑफ इंडिया यांनी दिली आहे. ऑक्टोबरमध्ये ब्रॉडबँडधारकांची संख्या 95.9 कोटी इतकी होती. यात 95.5 कोटी वायरलेस नेटवर्क ग्राहक व 4.5 कोटी कायमस्वरुपी कनेक्शन्स आहेत. नोव्हेंबर महिन्यात ब्रॉडबँडधारकांची संख्या 100 कोटीचा आकडा पार करु शकली आहे.

कोण आहे आघाडीवर

यामध्ये जियो ही कंपनी आघाडीवर राहिली आहे. कंपनीने 51 कोटी इतके ग्राहक ब्रॉडबँडसेवेत जोडले आहेत. ज्यात 49.7 कोटी हे वायरलेस व 1.4 कोटी कायमस्वरुपी ब्रॉडबँडग्राहक आहेत. एअरटेलने 31.4 कोटी ब्रॉडबँड ग्राहक तर वोडाफोन आयडियाने 12.8 कोटी ग्राहक तर बीएसएनएलने 3 कोटी ग्राहक जोडले आहेत. गेल्या 10 वर्षात ब्रॉडबँडधारक ग्राहकांची संख्या सहापट वाढलेली दिसून आली आहे.