Solapur News : सोलापूरमध्ये एनटीपीसी सोलापूरच्या 13 मेगावॅट सौर प्रकल्पाचे वाणिज्यिक संचालन

                             एनटीपीसी सोलापूरने हरित ऊर्जेत नव्या टप्प्याची सुरुवात

दक्षिण सोलापूर : दक्षिण सोलापूर तालुक्यातील फताटेवाडी परिसरातील एनटीपीसी सोलापूरच्या १३ मेगावॅट सौर प्रकल्पाचा वाणिज्यिक संचालन जाहीर करण्यात आला आहे.या प्रकल्पामुळे स्वच्छ आणि शाश्वत ऊर्जेकडे वाटचाल करत एनटीपीसी सोलापूरने आणखी एक महत्त्वाचा टप्पा गाठला आहे. एनटीपीसी सोलापूर येथील १३ मेगावॅट क्षमतेच्या ग्राउंड माउंटेड सौर ऊर्जा प्रकल्पाचे वाणिज्यिक संचालन

२५ डिसेंबर रोजी जाहीर करण्यात आले आहे.या प्रकल्पाच्या कार्यान्वयानंतर, एनटीपीसी सोलापूरमधील एकूण सौर ऊर्जा क्षमता २३ मेगावॅट (ग्राउंड माउंटेड) झाली असून त्यासोबत ०.८ मेगावॅट रूफटॉप सौर क्षमता उपलब्ध आहे. हा टप्पा प्रकल्पाच्या हरित ऊर्जा मिश्रणाला बळकटी देणारा आहे. या सौर क्षमतेच्या भरामुळे एनटीपीसी सोलापूरची एकूण स्थापित वीज निर्मिती क्षमता आता १३४३ मेगावॅट झाली आहे. ज्यामुळे हा प्रकल्प एक अग्रगण्य आणि भविष्याभिमुख वीज केंद्र म्हणून अधिक सक्षम झाला आहे.

शाश्वततेच्या दिशेने आणखी एकपाऊल टाकत, एनटीपीसी सोलापूरने ४०४ मेगावॅट-तास क्षमतेच्या बॅटरी ऊर्जा साठवण प्रणाली क्षेत्रातही प्रवेश केला असून हा प्रकल्प सध्या निविदा प्रक्रियेत आहे. या प्रणालीमुळे लवचिक संचालन, ग्रिड स्थिरता तसेच अंशतः भारावर कार्यक्षम संचालन शक्य होणार आहे. हा महत्त्वपूर्ण टप्पा स्वच्छ ऊर्जा, ऊर्जा सुरक्षितता आणि आधुनिक तंत्रज्ञानाच्या वापराद्वारे शाश्वत वीज निर्मिती या एनटीपीसीच्या वचनबद्धतेचे प्रतीक आहे.