एनएसईचा आयपीओ 17 सप्टेंबरपासून

त. भा. प्रतिनिधी

मुंबई :नॅशनल स्टॉक एक्सचेंज ऑफ इंडिया लिमिटेडचा (एनएसई) पहिला सार्वजनिक भागविक्री (आयपीओ) 17 सप्टेंबर 2026 रोजी खुला होणार असून 21 सप्टेंबरला बंद होणार आहे. आयपीओसाठी प्रति इक्विटी शेअर ₨ 1,700 ते ₨ 1,785 असा प्राईज बँड निश्चित करण्यात आला आहे. अँकर गुंतवणूकदारांसाठी बोली 16 सप्टेंबर रोजी होणार आहे. गुंतवणूकदारांना किमान आठ शेअर्ससाठी आणि त्यानंतर आठ शेअर्सच्या पटीत बोली लावता येईल.

या आयपीओमध्ये कॉर्पोरेट भागधारकांकडून 126,436,650 पर्यंत इक्विटी शेअर्सची ‘ऑफर फॉर सेल“ (ओएफसी) केली जाणार आहे. एसईबीआय आयसीडीआर नियमांनुसार बुक-बिल्डिंग प्रक्रियेद्वारे होणाऱ्या या इश्यूमध्ये पात्र संस्थात्मक खरेदीदारांसाठी (क्यूआयबी) 50 टक्क्यांपेक्षा जास्त नाही, बिगर-संस्थात्मक गुंतवणूकदारांसाठी (एनआयआय) 15 टक्क्यांपेक्षा कमी नाही आणि किरकोळ गुंतवणूकदारांसाठी (आयआयआय) 35 टक्क्यांपेक्षा कमी नाही, अशी वर्गवारी ठेवण्यात आली आहे.

एनएसईने 1994 मध्ये कामकाज सुरू केले असून इलेक्ट्रॉनिक किंवा क्रीन-आधारित ट्रेडिंग सुरू करणारे ते भारतातील पहिले एक्सचेंज ठरले. 30 जून 2026 पर्यंत एनएसईकडे 261.36 दशलक्ष नोंदणीकृत गुंतवणूकदार खाती आणि 132.37 दशलक्ष युनिक रजिस्टर्ड इन्व्हेस्टर्स होते. सूचीबद्ध संस्थांचे एकत्रित बाजार भांडवल ₨ 474.08 ट्रिलियन होते.

जून 2026 तिमाहीत एनएसईचे ऑपरेशन्समधून उत्पन्न ₨ 4,560 कोटी, तर निव्वळ नफा ₨ 3,121 कोटी राहिला. या आयपीओची बीएसईवर सूचीबद्धता प्रस्तावित आहे.