‘एनएसडीएल’ आयपीओ लाँच करण्याच्या तयारीत

एका महिन्यात आयपीओ आणण्याची कंपनीची तयारी : सप्टेंबरमध्येच सेबीकडून मंजुरी

वृत्तसंस्था/ मुंबई

नॅशनल सिक्युरिटीज डिपॉझिटरी लिमिटेड (एनएसडीएल) एका महिन्यात, म्हणजे मार्च-एप्रिल दरम्यान त्यांचा इनिशियल पब्लिक ऑफरिंग (आयपीओ) आणू शकते. कंपनीला या इश्यूमधून 3 हजार कोटी रुपये उभारायचे आहेत. देशातील सर्वात मोठ्या डिपॉझिटरीचा आयपीओ हा विक्रीसाठी पूर्ण ऑफर म्हणजेच ओएफएस राहणार आहे.

कंपनीने जुलै 2023 मध्ये त्यासाठी ड्राफ्ट रेड हिअरिंग प्रॉस्पेक्टस (डीआरएचपी) दाखल केला होता. गेल्या वर्षी सप्टेंबरमध्ये सेबीने कंपनीच्या इश्यूला मान्यता दिली होती. डीआरएचपीनुसार, कंपनीचे 6 विद्यमान शेअरहोल्डर त्यांचे 5.72 कोटी शेअर्स विकतील.

आयडीबीआय बँक 2.22 कोटी समभाग विकणार

या ओएफएसद्वारे आयडीबीआय बँक 2.22 कोटी, एनएसई 1.80 कोटी, युनियन बँक 56.25 लाख, स्पेसिफाइड अंडरटेकिंग ऑफ युनिट ट्रस्ट ऑफ इंडिया (एसयूयूटीआय) 34.15 लाख समभाग विकणार आहे. त्याच वेळी, स्टेट बँक ऑफ इंडिया आणि एचडीएफसी बँक प्रत्येकी 40 लाख  समभाग विकतील. एनएसडीएल ही देशातील सर्वात मोठी डिपॉझिटरी कंपनी आहे.

सर्वात मोठी डिपॉझिटरी कंपनी

देशात एनएसडीएल आणि सीडीएसएल या दोन डिपॉझिटरी कंपन्या आहेत. सीडीएसएल म्हणजेच सेंट्रल डिपॉझिटरी सर्व्हिसेस लिमिटेड प्रथम स्टॉक एक्सचेंजमध्ये सूचीबद्ध आहे. एनएसडीएल ही देशातील सर्वात मोठी डिपॉझिटरी कंपनी आहे, जी बऱ्याच काळापासून आयपीओची तयारी करत आहे. एनएसडीएलची स्थापना 1996 मध्ये झाली. कंपनीने 7 जुलै 2023 रोजी आयपीओसाठी डीआरएचपी दाखल केला होता, जो सेबीने ऑगस्ट 2023 मध्ये पुढे ढकलला होता. खरं तर, कंपनीविरुद्ध चौकशी सुरू आहे अशी माहितीही आहे.