युपीआय पेमेंट्साठी इंटरनेटची आवश्यकता नाही!

आरबीआयने सादर केलड विशेष फिचर्सची सुविधा

वृत्तसंस्था/ नवी दिल्ली

युनिफाइड पेमेंट इंटरफेस (युपीआय) पेमेंटचा वापर अलीकडच्या काळात लक्षणीय वाढला आहे. आजकाल प्रत्येकजण कोणत्याही पेमेंटसाठी युपीआय वापरण्यास प्राधान्य देत आहे. वापरकर्ते काही सेकंदात एका खात्यातून दुसऱ्या खात्यात पैसे हस्तांतरित करण्यास सक्षम आहेत, त्यांना रोख पैसे न बाळगता वेळ आणि पैशाची बचत होते. त्याच वेळी, केंद्र सरकार युपीआय पेमेंटला प्रोत्साहन देण्यासाठी अनेक पावले उचलत आहे. ज्या अंतर्गत भारताव्यतिरिक्त मालदीव, श्रीलंकेसह अनेक देशांमध्ये युपीआय पेमेंट सुविधा उपलब्ध करून देण्यात आली आहे.

जर तुमच्याकडे स्मार्टफोन नसेल आणि तुम्ही युपीआय सुविधेचा देखील लाभ घेत असाल तर तुम्ही इंटरनेटशिवाय युपीआय पेमेंट करू शकणार आहात. तर, रिझर्व्ह बँक ऑफ इंडिया (आरबीआय) ने ळझ्घ् 123झ्aब् द्वारे फीचर फोन आणि स्मार्टफोन वापरकर्त्यांसाठी डिजिटल पेमेंट आणखी सोपे केले आहे. आता तुम्ही  ळझ्घ् 123झ्aब् द्वारे 10,000 पर्यंतचे व्यवहार इंटरनेटशिवाय करू शकता.

चार प्रकारे विना इंटरनेटचे होणार पेमेंट

ज्या वापरकर्त्यांकडे स्मार्टफोन नाही ते इंटरअॅक्टिव्ह व्हॉइस रिस्पॉन्सद्वारे व्हॉइस पेमेंट करू शकतात. यासाठी त्यांना नियुक्त केलेल्या आयव्हीआर क्रमांकावर कॉल करावा लागेल, त्यानंतर तुम्ही तुमच्या कीपॅडवरून स्वाक्षरीचा पर्याय निवडून पेमेंट करू शकता.

दुसरी पद्धत प्रॉक्सिमिटी ध्वनी-आधारित पेमेंट आहे. या अंतर्गत, तुम्ही एका खास टोनद्वारे पेमेंट करू शकता, जो तुमच्या फोनच्या प्रॉक्सिमिटी डिव्हाइसवरून येतो. तुम्ही या डिव्हाइसवर तुमचा फोन टॅप करून पेमेंट करू शकता.

याशिवाय यूजर्स मिस्ड कॉलद्वारे पेमेंट करू शकतील. यासाठी तुम्हाला एका नंबरवर कॉल करावा लागेल, त्यानंतर तुम्हाला कॉल बॅक मिळेल. या कॉलमध्ये तुम्ही तुमचा युपीआय पिन टाकू शकता आणि व्यवहाराची खात्री करू शकता.