आमदार नितेश राणेंच्या कणकवलीतील प्रचाराचा शुभारंभ

स्वयंभू मंदिरात आमदार नितेश राणे यांनी घेतले दर्शन

कणकवली / प्रतिनिधी
महायुतीचे उमेदवार भाजपाचे आमदार नितेश राणे यांच्या प्रचाराचा शुभारंभ कणकवली शहरात ग्रामदैवत श्री देव स्वयंभूच्या दर्शनाने करण्यात आला. आमदार नितेश राणे यांनी शहराचे ग्रामदैवत स्वयंभूचे दर्शन घेत आपल्या प्रचाराचा दणक्यात शुभारंभ केला.
कणकवली शहरात प्रभाग निहाय हा प्रचार करण्यात येणार असून आमदार नितेश राणेंच्या या प्रचाराच्या शुभारंभ प्रसंगी कणकवलीच्या मंदिराच्या देवस्थानचे मानकरी सदानंद राणे (जाणते),राष्ट्रवादी काँग्रेसचे जिल्हाध्यक्ष माजी नगरसेवक अबिद नाईक, भाजपा तालुकाध्यक्ष मिलिंद मेस्त्री, भाजपा शहराध्यक्ष अण्णा कोदे, माजी नगरसेवक अभय राणे, किशोर राणे, माजी उपनगराध्यक्ष बंडु हर्णे, माजी नगरसेवक अभि मुसळे, चारूदत्त साटम, जिल्हा बँक संचालक विठ्ठल देसाई, सागर राणे, सखाराम राणे, गौतम गुडकर, अॅड. विराज भोसले, प्रथमेश राणे, पंकज पेडणेकर, मिथुन ठाणेकर, ओंकार राणे सिद्धेश वालावलकर, औदुंबर राणे, प्रवीण पाटील, महेश सावंत, विजय राणे, जोगी राणे आदी उपस्थित होते. यावेळी आमदार नितेश राणे यांना मोठ्या मताधिक्याने निवडून आणण्याचा निर्धार कणकवली शहर भाजपच्यावतीने करण्यात आला.