निस्सानची नवीन एसयूव्ही टेक्टॉन लाँच
10.49 लाख रुपये किंमत राहणार : अनेक वैशिष्ट्यो होणार उपलब्ध
वृत्तसंस्था/नवी दिल्ली
जपानी ऑटो कंपनी निस्सानने भारतीय बाजारपेठेत आपली नवीन मिड-साईज एसयूव्ही टेक्टॉन लॉन्च केली आहे. कंपनीने नवीन निस्सान टेक्टॉन भारतीय बाजारपेठेत 10.49 लाख रुपयांच्या सुरुवातीच्या किमतीसह लॉन्च केली आहे. विशेष बाब म्हणजे, बुकिंग सुरू झाल्यानंतर अवघ्या 11 दिवसांत, 20 जुलैपासून याची डिलिव्हरी देखील सुरू होईल. कंपनीचा दावा आहे की, भारतात लॉन्च होणाऱ्या त्यांच्या कोणत्याही कारसाठी बुकिंग आणि डिलिव्हरीमधील हा सर्वात कमी कालावधी आहे.
टेक्टॉन भारतीय बाजारात दाखल
नवीन निस्सान टेक्टॉन ही रेनॉल्ट डस्टरच्या प्लॅटफॉर्मवर तयार करण्यात आली आहे. दोन्ही एसयूव्हींचा पाया सारखाच असला तरी, निस्सानने तिचे डिझाइन पूर्णपणे वेगळे बनवले आहे. एसयूव्हीच्या पुढील भागात कंपनीच्या फ्लॅगशिप पेट्रोल एसयूव्हीपासून प्रेरित नवीन ग्रिल, एलईडी हेडलाइट्स, सी-शेप डीआरएल आणि नवीन 18-इंची अलॉय व्हील्स मिळतात. मागील बाजूस, बॉडी-कलर टेलगेट आणि नवीन स्टायलिंगमुळे तिला एक वेगळी ओळख मिळते.
वैशिष्ट्यो
- 10.1 इंच टचक्रीन इन्फोटेनमेंट सिस्टीम
- वायरलेस अँड्रॉइड ऑटो आणि अॅपल कारप्ले
- गूगल मॅप्स व जेमिनी सपोर्ट
- 10.25 इंच डिजिटल इन्स्ट्रुमेंट क्लस्टर
- अरकामीस प्रीमियम साउंड सिस्टीम
- वायरलेस मॅगसेफ चार्जर
- ड्युअल-झोन क्लायमेट कंट्रोल
- पॅनोरॅमिक सनरूफ
- व्हेंटिलेटेड फ्रंट सीट्स
- एअर प्युरिफायर