फॅमिली मॅन 3 मध्ये निमरत साकारणार खलनायिकेची भूमिका

मनोज वाजपेयीच्या ‘द फॅमिली मॅन’ या वेबसीरिजच्या तिसऱ्या सीझनची लोक आतुरतेने प्रतीक्षा करत आहेत. या नव्या सीझनमध्ये अनेक नवे चेहरे दिसून येणार आहेत. या सीझनचे चित्रिकरण सप्टेंबर महिन्यात ईशान्य भारतात सुरू झाले आहे.

तिसऱ्या सीझनमध्ये जयदीप अहलावत खलनायकाच्या भूमिकेत असणार आहे.  आता यात खलनायिकेची भर पडली आहे. ही भूमिका निमरत कौर साकारणार आहे.  यामुळे श्रीकांत या व्यक्तिरेखेला आता एक नव्हे तर दोन शत्रूंना सामोरे जावे लागणार आहे.

द फॅमिली मॅन 3 चे दिग्दर्शन राज आणि डीके ही जोडी करत आहे. याचे चित्रिकरण सध्या नागालँडमध्ये केले जात आहे. जयदीपने स्वत:च्या हिस्स्याचे चित्रिकरण सुरू केले आहे. तर या सीझनची कहाणी राज, डीके आणि सुमन कुमार यांनी लिहिली आहे. नव्या सीझनमध्ये प्रिया मणि, शारिब हाशमी, आश्लेषा ठाकूर, वेदांत सिन्हा हे जुने कलाकारही दिसून येणार आहेत. तर निमरत कौर ही यापूर्वी लंचबॉक्स, अमेरिकन सीरिज होमलँड, वेवार्ड पाइन्स यात दिसून आली आहे.