मालवण शहरात निलेश राणेंच्या प्रचाराचा शुभारंभ

मालवण  | प्रतिनिधी

शिवसेना भाजपा महायुतीचे कुडाळ - मालवण विधानसभा मतदार संघातील उमेदवार निलेश राणे यांच्या मालवण शहरातील प्रचाराचा शुभारंभ भाजपा शहर अध्यक्ष बाबा मोंडकर, माजी नगराध्यक्ष सुदेश आचरेकर, माजी नगरसेवक दीपक पाटकर यांच्या नेतृत्वाखाली शहरातील देऊळवाडा येथील तुकाराम महाराज बीज मंदिरात श्रीफळ वाढवून करण्यात आला. यावेळी निलेश राणे यांच्या विजयासाठी साकडे घालण्यात आले.

याप्रसंगी भाजपचे शहर मंडल प्रभारी संतोष गावकर, ग्रामीण मंडल प्रभारी आप्पा लुडबे, माजी नगराध्यक्ष अशोक तोडणकर, माजी उपनगराध्यक्ष राजन वराडकर, युवा मोर्चा शहर अध्यक्ष ललित चव्हाण, निशय पालेकर, आबा हडकर, महेश सारंग, नंदू देसाई, महानंदा खानोलकर, विलास मुणगेकर, शर्वरी पाटकर, तारका चव्हाण, पंकज पेडणेकर, सुनिल बागवे, उत्तम पेडणेकर, नाना साईल, जगदीश गावकर, किशोर खानोलकर, दशरथ कवटकर, भालचंद्र राऊत, कमलेश कोचरेकर, शिवसेना कुडाळ मालवण विधानसभा प्रमुख बबन शिंदे, तालुकाप्रमुख राजा गावकर, जिल्हा संघटक महेश कांदळगावकर, शहरप्रमुख बाळू नाटेकर, महिला उपजिल्हाप्रमुख नीलम शिंदे, युवती सेना जिल्हाप्रमुख सोनाली पाटकर, अरुण तोडणकर, पराग खोत, मधुरा तुळसकर, प्रियांका मेस्त्री आदी उपस्थित होते.