निफ्टी आयटी निर्देशांक 5 टक्के मजबूत

मुंबई :

भारतीय शेअर बाजारामध्ये आयटी निर्देशांक तेजीवर स्वार होताना दिसत आहे. हा निर्देशांक गेल्या तीन दिवसांमध्ये पाच टक्के इतका वाढलेला दिसून आला. आयटी सेवा कंपन्यांनी दुसऱ्या तिमाहीत निकालामध्ये चांगली कामगिरी केल्याचा परिणाम समभाग वाढण्यामध्ये दिसून आला आहे. बुधवारी निफ्टी आयटी निर्देशांक जवळपास 2 टक्के इतका वाढलेला होता. गेल्या तीन सत्रांमध्ये पाहता 4.8 टक्के इतका आयटी निर्देशांक वाढला आहे. यामध्ये टेक महिंद्रा 3 टक्के, एम्फासिस 2.75 टक्के वाढीसोबत कार्यरत होते. टीसीएस यांचे समभाग दोन टक्क्यांपेक्षा अधिक वाढीसह कार्यरत होते.