‘बेबीगर्ल’मध्ये निकोल किडमन

हॉलिवूडची अत्यंत सुंदर आणि त्याहून अधिक दमदार अभिनेत्री निकोल किडमन पुन्हा एकदा चर्चेत आहे. 57 वर्षीय निकोल लवकरच इरोटिक-थ्रिलर चित्रपट ‘बेबीगर्ल’मध्ये दिसून येणार आहे. चित्रपटात तिच्यासाब्sात हॅरिस डिकिंसन, सोफी वाइल्ड आणि एंटोनियो बँडेरेस हे कलाकार असतील. हा चित्रपट अलिकडेच व्हेनिस इंटरनॅशनल फिल्म फेस्टिव्हलमध्ये दाखविण्यात आला आहे.

अशाप्रकारची भूमिका मी कधीच साकारले नव्हते. पटकथेला योग्य न्याय देण्याचा प्रयत्न केला असल्याचे निकोलने एका मुलाखतीत सांगितले आहे. या चित्रपटाचे दिग्दर्शन हेलिना रीजन यांनी केले आहे. या चित्रपटात निकोल किडमन ही अत्यंत यशस्वी कंपनीच्या यशस्वी सीईओच्या भूमिकेत आहे. चित्रपटात तिच्या पतीची भूमिका एंटोनियो बँडेरेस यांनी साकारली आहे. कंपनीच्या ऑफिसमध्ये एक नवा इंटर्न येतो आणि निकोलची व्यक्तिरेखा त्याच्या प्रेमात पडत असल्याचे चित्रपटात दाखविले जाणार आहे.

बेबीगर्ल हा चित्रपट 25 डिसेंबर रोजी चित्रपटगृहांमध्ये प्रदर्शित होणार आहे. तर दुसरीकडे 10 सप्टेंबर रोजी हा चित्रपट टोरंटो इंटरनॅशनल फिल्म फेस्टिव्हलमध्ये दाखविला जाणार आहे. निकोल किडमनचा चित्रपट असल्याने तिच्या चाहत्यांची उत्सुकता वाढली आहे.