‘स्कार्पेटा’मध्ये दिसणार निकोल-जेमी ली कर्टिस

प्राइम व्हिडिओची वेबसीरिज

लेखिका पेट्रीसिया कॉर्नवेल यांची प्रसिद्ध कादंबरी ‘स्कार्पेटा’वर सीरिज तयार केली जात आहे. या सीरिजमध्ये हॉलिवूड अभिनेत्री निकोल किडमॅन आणि जेमी ली कर्टिस दिसून येणार आहेत. किडमॅन यात महत्त्वाची भूमिका साकारणार आहे. कर्टिस यात निकोलची बहिण डोरोथी या व्यक्तिरेखेत दिसून येतील. प्रसिद्ध दिग्दर्शक डेविड गॉर्डन ग्रीन सीझनच्या पहिल्या दोन एपिसोड्चे दिगदर्शन करणार आहेत.

स्कार्पेटामध्ये निकोल आणि जेमी ली कर्टिससोबत बॉबी कॅनावले, सायमन बेकर, एरियाना डेबोस, रोजी मॅकवेन आणि जॅक कॅनावले हे कलाकार असतील. किडमॅन आणि कर्टिस दोघी कार्यकारी निर्मात्या म्हणूनही भूमिका पार पाडतील. निकोल किडमॅन अलिकडेच नेटफ्लिक्सवरील सीरिज ‘द परफेक्ट कपल’मध्ये पाहिले गेले होते.

कर्टिस यांनी अलिकडेच ‘एवरीथिंग एवरीव्हेयर ऑल अॅट वन्स’मध्दील स्वत:च्या अभिनयासाठी ऑस्कर मिळविला होता. तर स्कार्पेटा या कादंबरीवर सीरिज निर्माण करण्याचा प्रयत्न दीर्घकाळापासून माझी कंपनी कॉमेट पिक्चर्स करत असल्याचे निकोल किडमॅनने म्हटले आहे. या सीरिजची निर्मिती ब्लमहाउस टेलिव्हिजन आणि अमेझॉन एमजीएम स्टुडिओजने ब्लॉसम फिल्म्स आणि कॉमेट पिक्चर्सच्या सहकार्याने केली आहे.