संभाजी गल्ली येथे नव्या विद्युत वाहिन्या

बेळगाव : संभाजी गल्ली,महाद्वार रोड येथील गणेशोत्सव मंडळाच्या मागणीनुसार विद्युत वाहिन्यांची उंची वाढविण्यासोबत एरियल बंच केबल घालण्याच्या कामाला सुरुवात करण्यात आली आहे. मंगळवारपासून वॉर्ड क्र. 10 मध्ये नव्या विद्युत वाहिन्या हेस्कॉमकडून घालण्यात येत आहेत. यामुळे गणेशोत्सव मंडळाकडून समाधान व्यक्त होत आहे. आठवडाभरापूर्वी संभाजी गल्ली येथील मंडळाने हेस्कॉमला निवेदन दिले होते. गल्लीतील विद्युत वाहिन्या गणेशोत्सवादरम्यान अडचणीच्या ठरत असल्यामुळे एरियल बंच केबल घालण्याची मागणी करण्यात आली होती. त्यानुसार या नव्या केबल घालण्यात आल्या. नगरसेविका वैशाली भातकांडे, सिद्धार्थ भातकांडे यांच्या प्रयत्नातून काम पूर्ण करण्यात आले.