भारतात नवीन डुकाटी मॉन्स्टर व्ही-2 लाँच

सुपरबाईक 111 एचपी पॉवरसह सज्ज : किंमत 13.99 लाख

वृत्तसंस्था, नवी दिल्ली

डुकाटी इंडियाने भारतात आपल्या लोकप्रिय मॉन्स्टर आणि मॉन्स्टरसह बाईक्सचे नवीन ‘व्ही2’ मॉडेल लॉन्च केले आहे. कंपनीने नवीन मॉन्स्टर ‘व्ही2’ ची एक्स-शोरूम किंमत 13.99 लाखपासून सुरू केली आहे, जी मागील मॉडेलपेक्षा सुमारे 15,000 ने जास्त आहे.

या बाईकचे सर्वात मोठे वैशिष्ट्या म्हणजे तिचे नवीन 890सीसी व्ही-ट्विन इंजिन आणि नवीन मोनोकॉक चेसिस, ज्यामुळे बाईकचे वजन 5 किलोने कमी झाले आहे. कंपनीने आपल्या अधिकृत वेबसाइटवर याचे बुकिंग सुरू केले आहे.

डिझाइन: मस्क्युलर टँक आणि नवीन लूक

नवीन डुकाटी मॉन्स्टर ‘व्ही2’ चे डिझाइन कंपनीचा वारसा दर्शवते. यात 14-लिटरची मस्क्युलर इंधन टाकी आहे. ही बाईक दोन व्हेरिएंटमध्ये उपलब्ध आहे.

मॉन्स्टर: या व्हेरिएंटला एक अतिरिक्त लूक देण्यासाठी हेडलाइट काउल आणि पॅसेंजर सीट कव्हर जोडण्यात आले आहेत. दोन्ही मॉडेल्स तीन आकर्षक रंगांच्या पर्यायांमध्ये येतात  डुकाटी रेड, आइसबर्ग व्हाइट आणि स्पोर्ट लिव्हरी.

हार्डवेअर आणि डायमेन्शन्स: कंपनीने जुनी अॅल्युमिनियम फ्रेम काढून नवीन हलकी मोनोकॉक चेसिस बसवली आहे, ज्यामुळे बाईकचे वजन 5 किलोने कमी झाले आहे.

सीटची उंची: रायडरच्या सोयीसाठी याच्या सीटची उंची 815 मिमी पर्यंत कमी करण्यात आली आहे. तुम्हाला हवे असल्यास, तुम्ही अतिरिक्त अॅक्सेसरी म्हणून 795 मिमीची सीट निवडू शकता. त्याचबरोबर, लोअर सस्पेंशन किटच्या साहाय्याने सीटची उंची 775 मिमीपर्यंत कमी करण्याचा पर्यायही उपलब्ध आहे.

सस्पेंशन: उत्तम रायडिंगसाठी समोर शोवा कंपनीचे 43 मिमी यूएसडी फोर्क्स आणि मागे मोनोशॉक सस्पेंशन देण्यात आले आहे.

ब्रेक्स आणि टायर्स: उत्कृष्ट ब्रेकिंगसाठी यात समोर ब्रेम्बोचे 320 मिमी ड्युअल डिस्क ब्रेक्स आणि मागे 245 मिमी सिंगल डिस्क ब्रेक मिळतात.

पॉवर: इंजिनचा आकार लहान असूनही, हे 937 सीसी इंजिन 111 एचपीची प्रचंड पॉवर देते. विशेष गोष्ट म्हणजे ही संपूर्ण पॉवर आता 9,000 आरपीएमवर  उपलब्ध आहे.