‘द इनव्हिटेशन’मध्ये नताली इमॅन्युएल

चित्रपटाचा फर्स्ट लुक सादर

सोनी पिक्चर्स एंटरटेनमेंट इंडियाने बहुप्रतीक्षित चित्रपट ‘द इनव्हिटेशन’चा फर्स्ट लुक ट्रेलर सादर केला आहे. हा एक भयपट असून यात ‘गेम ऑफ थ्रोन्स’ फेम नताली इमॅन्युएल, ‘गॉसिप गर्ल’ फेम थॉमस डोहर्टी आणि ‘फ्लीबॅग एंड मम्मा मिया’ फेम ह्यू स्किनर हे मुख्य भूमिका साकारताना दिसून येतील. हा चित्रपट 26 ऑगस्ट रोजी प्रदर्शित होणार आहे.

‘द इनव्हिटेशन’मध्ये एवि नावाच्या युवतीची कहाणी दाखविली जाणार असून ती स्वतःच्या आईच्या निधनानंतर स्वतःच्या कुटुंबाला शोधण्यासाठी बाहेर पडलेली असते. डीएनए चाचणीद्वारे ती स्वतःचे नातेवाईक शोधत असते. त्यानंतर तिला एक नातेवाईक भेटत असल्याचे या ट्रेलरमध्ये दिसून येते. या ट्रेलरद्वारे चित्रपटातील भयदृश्यांचा प्रभाव जाणवतो.

सोनी पिक्चर्सकडून याची निर्मिती झाल्याने यात स्पेशल इफेक्ट्सचा योग्य वापर करण्यात आला आहे. तर नतालीच्या अभिनयक्षमतेला या चित्रपटाद्वारे मोठी संधी मिळाली आहे. नतालीने चित्रपटासाठी घेतलेली मेहनत या ट्रेलरमध्ये दिसून येते.