नासाची चांद्रमोहीम पडली लांबणीवर

मार्चमध्ये होणाऱ्या प्रक्षेपणापूर्वी रॉकेटमध्ये बिघाड

वृत्तसंस्था/ वॉशिंग्टन

अमेरिकन अंतराळ संस्था नासाने त्यांची चंद्र मोहीम पुढे ढकलली आहे. मार्चमध्ये प्रक्षेपणासाठी नियोजित नासाचे आर्टेमिस-2 मोहीम आता तांत्रिक बिघाडामुळे पुढे ढकलण्यात आली आहे. स्पेस लाँच सिस्टीममध्ये (एसएलएस) हेलियम गळती आढळून आल्यामुळे रॉकेट आणि अंतराळयान दोन्ही लाँच पॅडवरून इतरत्र हलवावे लागले. आता ही तांत्रिक समस्या सोडवण्यासाठी रॉकेट आणि ओरियन अंतराळयान वाहन असेंब्ली बिल्डिंगमध्ये हलवले जाईल. या बिघाडामुळे टीम निराश झाली आहे. कारण या मोहिमेत शास्त्रज्ञांकडून खूप प्रयत्न केले गेले होते. अशा महत्त्वाच्या मोहिमा अत्यंत काळजीपूर्वक पार पाडल्या जातात. 1960 च्या दशकात जेव्हा नासाने मोठे यश मिळवले असतानाही आव्हाने आणि विलंब होत होते, असे नासाचे प्रमुख जेरेड इसाकमन यांनी सांगितले.