‘स्माइल 2’मध्ये नाओमी अन् लुकास

ऑक्टोबर महिन्यात होणार प्रदर्शित

हॉरर चित्रपटांच्या चाहत्यांची अपेक्षा पूर्ण करणारा चित्रपट लवकरच प्रदर्शित होणार आहे. स्माइल 2 या चित्रपटाचा ट्रेलर प्रदर्शित करण्यात आला आहे. तसेच त्याच्या प्रदर्शनाची तारीख जाहीर करण्यात आली आहे. नाओमी स्कॉट आणि लुकाज गेज यासारख्या कलाकारांची यात महत्त्वाची भूमिका आहे.

नाओमी आणि लुकास यांच्या ‘स्माइल 2’ या चित्रपटाची निर्मिती पॅरामाउंटकडून करण्यात आली आहे. हा चित्रपट सस्पेन्स आणि हॉररपट ‘स्माइल’चा सीक्वेल आहे. याचा ट्रेलर पाहून चित्रपट किती भीतीदायक आहे याचा अंदाज बांधता येतो. या चित्रपटात नाओमी एका रॉकस्टारची भूमिका साकारत आहे.

स्माइल चित्रपटात दु:ख आणि आघातावर आधारित कहाणी दाखविण्यात आली हात. तर तिची कहाणी स्माइल 2 चित्रपटाद्वारे पुढे नेण्यात आली आहे. हा चित्रपट 18 ऑक्टोबर रोजी चित्रपटगृहांमध्ये प्रदर्शित होणार आहे. या चित्रपटाची प्रेक्षक आतुरतेने प्रतीक्षा करत आहेत. तर नाओमी स्वत:च्या चाहत्यांना या चित्रपटाच्या माध्यमातून स्वत:च्या अभिनयाची क्षमता दाखवून देणार आहे.