टेनिस प्रिमियर लीगमध्ये नागल, गॅस्टन आकर्षण

वृत्तसंस्था/ मुंबई

2024 सालातील सहावी टेनिस प्रिमियर लीग स्पर्धा मुंबई 3 ते 8 डिसेंबर दरम्यान होणार आहे. भारताचा प्रमुख टेनिसपटू सुमित नागल तसेच फ्रान्सचा हुगो गॅस्टन प्रमुख आकर्षण राहतील.

या स्पर्धेमध्ये महिलांच्या विभागात पोलंडची मॅग्डा लिनेट तसेच आर्मेनियाची इलिना अॅव्हेनीसियान सहभागी होणार आहे. या स्पर्धेतील सामने 25 गुणांच्या फॉर्मेटमध्ये राहतील. या स्पर्धेतील प्रत्येक फ्रांचायजीला उपांत्य फेरी गाठण्यासाठी एकूण पाच सामने खेळावे लागतील. दोन फ्रांचायजीमधील सामने खेळविले जाणार असून त्यात पुरूष एकेरी, महिला एकेरी, मिश्र दुहेरी, पुरूष दुहेरी असे सामने राहतील. ही स्पर्धा लीग पद्धतीने खेळविली जाईल. गुणतक्त्यातील आघाडीचे चार संघ उपांत्य फेरीसाठी पात्र ठरतील. या स्पर्धेमध्ये एकूण 7 फ्रांचायजींचे संघ भाग घेत आहेत.