अल्कारेझकडून नदाल पराभूत

वृत्तसंस्था / रियाद

येथे झालेल्या प्रदर्शनिय टेनिस स्पर्धेतील उपांत्य सामन्यात स्पेनच्या अनुभवी आणि माजी टॉपसिडेड राफेल नदालला त्याच्याच देशाच्या नवोदित कार्लोस अल्कारेझकडून हार पत्करावी लागली.

या सामन्यात अल्कारेझने नदालचा 6-3, 6-3 असा पराभव केला. अन्य एका उपांत्य सामन्यात इटलीच्या जेनीक सिनेरने सर्बियाच्या माजी टॉपसिडेड जोकोव्हिचचे आव्हान 6-2, 6-7(0-7), 6-4 असे संपुष्टात आणले. आता अल्कारेझ आणि सिनेर यांच्यात जेतेपदासाठी लढत होईल. तर तिसऱ्या स्थानासाठी नदाल आणि जोकोव्हिच यांच्यात सामना खेळविला जाणार आहे.