मुथुटचा येणार आयपीओ, 4 हजार कोटी रुपये उभारणार

वृत्तसंस्था, मुंबई

मुथुट फिनकॉर्प ही कंपनी येत्या काळात आपला आयपीओ सादर करणार असून याअंतर्गत 4 हजार कोटी रुपये उभारणार आहे. यामध्ये कंपनी ताजे समभाग बाजारात सादर करु शकते. समभागधारकांची मंजुरी, बाजारातील एकंदर स्थिती तसेच नियामकाची मंजुरी या गोष्टींवर आयपीओ उभारणीची प्रक्रिया गतिमान होणार आहे. ही कंपनी केरळममधील आहे.

कंपनीची आर्थिक स्थिती

मुथुट फायनान्सचा समभाग बाजारात आधीच सुचीबद्ध झालेला आहे. आता मुथुट फिनकॉर्पचा समभाग सर्व मंजुऱ्या मिळाल्यानंतर सुचीबद्ध होईल. आर्थिक वर्ष 2026 मध्ये कंपनीने 1847 कर पश्चात नफा मिळवलेला आहे. तर  8364 कोटी रुपयांचा महसूल कंपनीने मिळवला आहे. मागच्या तिमाहीत कंपनीने करपश्चात 664 कोटींचा नफा तर 3356 कोटी रुपयांचा महसूल मिळवला आहे.